Знайсці
25.11.2020 / 21:33РусŁacБел

У Мінску 27 лістапада пройдзе сусветная «чорная пятніца». Што патаннее?

У Мінску 27 лістапада пройдзе сусветная «чорная пятніца». У ГЗЦ «Тытан» і «Цівалі» цэны абрынуць да 70%, а ў ГЦ «Трум» патаннеюць мэбля і прадметы інтэр'еру. Усяго ж распродажы зладзяць каля 500 брэндаў.

У ГЗЦ «Тытан» каля станцыі метро «Пятроўшчына» цэны з раніцы знізяць каля 150 рытэйлераў. Распродажы закрануць крамы адзення, абутку, дзіцячых тавараў, касметыкі і ювелірных вырабаў. Так, у Sister's зніжкі будуць дасягаць 70%, а за паўцаны прапануюць джэмперы, кардыганы і швэдры. У Belbau дысконт будзе яшчэ вышэйшы — да 80%, заадно моцна патаннее адзенне ў Lubawa, Woodman і Enrico. Цэны на красоўкі ў Good Shop ўпадуць да 70%, а ў Megatop столькі ж скінуць на кожную другую пару. У сваю чаргу «5 элемент» прапануе дэвайсы з дысконтам да 50%.

Дзіцячыя тавары патаннеюць у больш чым 30 крамах. Так, «Буслiк», Mothercare, «SуперDетки», Bembi і Няня скінуць цэны да 50%, а Shagovita — да 70%. Іншыя брэнды апусцяць да 40% цэны на цацкі, кнігі і дзіцячы абутак. «Чорная пятніца» закране і забаўкі. За паўкошту можна будзе схадзіць у кантактны заапарк, дзіцячы лабірынт, 5D-кінатэатр і лазерны цір.

У ГЗЦ «Цівалі» на «Спартыўнай» распродажы з дысконтам да 70% зладзяць каля 200 брэндаў. Сярод іх - Serge, Megatop, Marko, Belarusachka, Lubawa, Petek, Joma, Paradis, «Калінка» і «Купалінка». З дзіцячых крам да 50% прапануюць зэканоміць «Свет кубікаў», Babystyle, «Ружовы слон», «Францішка» і «Цік-Топ». «Чорная пятніца» таксама наступіць у буціках і салонах касметыкі. Да 70% скінуць і інтэр'ерныя крамы.

У падземным ГЦ «Трум» на Кальварыйскай вуліцы пройдзе мэблевая «чорная пятніца», прычым вячэрняя — з 17 да 21 гадзін. Патаннеюць крэслы, канапы, ложкі, матрацы, сталы, дзверы і сантэхніка. Цэны знізяць «Канапа Диваныч», «Эдэльвейс», Letto.by, «Дамавер», Askona, Alta, Vegas, салон Venue, «Мебель71» і інш. Зніжкі будуць даходзіць да 70% на выставачныя ўзоры і тавары з каталога.

«Цяпер «чорная пятніца» стала вельмі папулярным фарматам ў Беларусі. Амаль кожны тыдзень яе нехта аб'яўляе. Аднак сапраўдная «чорная пятніца» праходзіць у апошнюю пятніцу лістапада - гэтая традыцыя зарадзілася ў ЗША яшчэ ў 60-х гадах мінулага стагоддзя. Так што і Мінск далучыцца да сусветных распродажу 27 лістапада. Многія гандлёвыя сеткі і прадаўцы збіраюцца даць вельмі нізкія цэны, каб абнавіць калекцыі і прыцягнуць новых пакупнікоў», — адзначаюць арганізатары.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера