Рэцэпт на выходны: венскія завітушкі

Фота BBCgoodfood

Вам спатрэбяцца:

Для печыва:

200 г масла
50 г цукровай пудры
2 чайныя лыжкі ванілі
250 г мукі
½ чайнай лыжкі разрыхляльніка

Для начынкі:

100 г масла
170 г цукру
1 чайная лыжка ванілі
50 г малінавага або трускаўкавага сочыва

1. Пакладзіце масла і цукровую пудру ў вялікую міску і ўзбівайце каля 5 хвілін да белага колеру. Пасля дадайце ваніль і ўзбівайце, пакуль сумесь не стане аднароднай.
2. Праз сіта дадайце муку і разрыхляльнік. Асцярожна перамешвайце да атрымання аднароднай масы (цеста павінна быць ліпучай кансістэнцыі).
3. Разагрэйце духоўку да 180 градусаў. Засцяліце форму для выпечкі антыпрыгарным пергаментам. Праз кандытарскі мяшок з зоркападобнай насадкай выкладвайце закручаныя кругі дыяметрам 5 см на форму.
4. Выпякайце печыва на працягу 10-12 хвілін да бледна-залацістага колеру.
5. Пакуль печыва астывае, прыгатуйце начынку. Да масла дадайце цукар і ўзбівайце, пакуль крэм не стане пышным. Дадайце ваніль і ўзбіце яшчэ раз.
6. На роўную паверхню завітушкі намажце крэм з масла. Вазьміце яшчэ адну завітушку і намажце сочыва. Злучыце дзве паловы. Працягвайце з астатнімі завітушкамі.

Смачна есці!

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0