Знайсці
02.08.2021 / 15:17

У Маскве пранкера, які імітаваў «прыступ каранавіруса» ў вагоне метро, асудзілі да двух гадоў калоніі

Прэсненскі суд Масквы прысудзіў пранкера Караматула Джабарава да двух гадоў і чатырох месяцаў калоніі агульнага рэжыму за тое, што той разыграў у мінулым годзе «прыступ каранавіруса» ў маскоўскім метро. Дзяржабвінаваўца прасіў чатыры гады пазбаўлення волі, піша Бі-бі-сі.

ТАСС

«Джабараў цалкам прызнаў віну і з улікам часу, праведзенага ў СІЗА, будзе адпушчаны на волю праз тры тыдні. Гэта адбудзецца, калі пракуратура і адміністрацыя метро не абскардзяць прысуд. Што тычыцца нас, то мы не будзем гэтага рабіць», — патлумачыў адвакат.

Відэа, з-за якога Джабарава прысудзілі да рэальнага тэрміну, з'явілася ў інтэрнэце ў пачатку лютага 2020 года.

На ім бачна, як малады чалавек у масцы ідзе па вагоне метро, а затым раптам валіцца на падлогу. Пасажыры спачатку падбягаюць да яго, каб дапамагчы, але пасля таго, як саўдзельнікі пранкера пачынаюць крычаць, што ў яго каранавірус, людзі ў паніцы адбягаюць.

Паліцыя завяла крымінальную справу па частцы 2 артыкула 213 Крымінальнага кодэкса (Хуліганства, здзейсненае групай асоб). Максімальнае пакаранне па гэтым артыкуле ўвогуле сем гадоў пазбаўлення волі.

Праз тыдзень пасля публікацыі таго відэа Джабарава затрымалі. Спачатку яму абралі меру стрымання ў выглядзе падпіскі аб нявыездзе, але пазней высветлілася, што абвінавачаны не пражывае па адрасе, які ўказаў у пратаколе допыту, і суд яго арыштаваў.

Былі затрыманыя і саўдзельнікі Джабарава, якія здымалі пранк на камеру. Яны знаходзіліся пад падпіскай аб нявыездзе і атрымалі ўмоўныя тэрміны.

Джабараў раскаяўся ў зробленым і папрасіў прабачэння ў людзей, якія знаходзіліся ў момант інцыдэнту ў вагоне метро. Свае дзеянні ён назваў «дурным жартам».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31