Знайсці
04.08.2021 / 16:57

«Мы заклалі бомбы». На мэйлы ў Літве прыходзяць пагрозы ад «братоў-мусульман»

Па розных электронных адрасах 4 жніўня быў распаўсюджаны электронны ліст на англійскай мове з пагрозамі на адрас Літвы — пагражаюць выбухамі і помстай за «братоў-мусульман», паведамляе Delfi.

Паведамляецца, што ліст падпісаны ад імя Юсэфа Арафата, які называе сябе «ваяром Алаха». У лісце сказана:

«Мы — воіны Алаха — паведамляем вам, што адпомсцім за нашых братоў-мусульман. Спачатку інфармуем вас аб тым, што мы заклалі бомбы. Вы павінны зразумець нашы намеры. Далей будзем дзейнічаць без папярэджання. Ведайце, што ў вашай краіне тысячы нашых братоў — лепшых воінаў, якія не баяцца смерці. Мы любім смерць так, як вы любіце жыццё, мы воіны, якія ваююць днём і ноччу. Алах вялікі».

У лісце таксама прадстаўлены спіс замініраваных месцаў. Большая частка адрасоў — буйныя гандлёвыя цэнтры, уключаючы BIG, Akropolis і Ozas. Таксама нібыта замініраваны будынак, у якім знаходзіцца рэдакцыя партала Delfi. Акрамя таго, у спісе ёсць адрасы Віленскага ЗАГСа, Дэпартамента міграцыі і інш.

Нагадаем, раней Лукашэнка заявіў, што патокі нелегальных мігрантаў працягнуць прыбываць у Еўропу, сярод іх будуць і ўзброеныя людзі, каб «абараніць пакрыўджаных людзей»:

«Тое, што людзі туды хлынулі, — гэта толькі пачатак. Я ўжо вам сёння сказаў: далей туды пойдуць людзі ўзброеныя, каб абараніць вось такіх вось пакрыўджаных людзей».

І ў такім выпадку наступствы, паводле слоў Аляксандра Лукашэнкі, могуць быць вельмі сур'ёзнымі. «Калі такі чалавек, які прайшоў праз вайну, туды патрапіць са зброяй, не факт, што ён будзе абараняць толькі цяжарных жанчын, якія лінулі з Блізкага Усходу і Афганістана. Вы ведаеце, што там будзе адбывацца. Мы гэта бачым на прыкладзе заходніх дзяржаў і бачым, як яны на гэта рэагуюць», — сказаў палітык.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31