Знайсці
30.10.2021 / 09:45РусŁacБел

Малдова дамовілася з «Газпрамам» аб цэнах на газ

У Санкт-Пецярбургу завяршыліся перамовы аб пастаўках расійскага газу ў Малдову. Віцэ-прэм'ер Андрэй Спыну і кіраўнік «Малдоўгаз» Вадзім Чабан дамовіліся з прадстаўнікамі «Газпрама» падоўжыць кантракт на пяць гадоў.

«Бакі дамовіліся аб формуле разліку цаны, правядзенні аўдыту запазычанасці «Малдоўгаз» і неабходнасці далейшых перамоў для ўстанаўлення графіка плацяжоў», — паведамілі ў ведамстве.

У адпаведнасці з пагадненнем, папярэдні кантракт паміж «Газпрамам» і «Малдоўгаз» падоўжаць на пяць гадоў з выкарыстаннем формулы разліку цаны, прапанаванай малдаўскім бокам.

Пастаўкі газу ў Малдову, згодна з новым кантрактам, пачнуцца 1 лістапада.

У «Газпраме» адзначылі, што кантракт аб пастаўках газу ў Малдову працягнулі «на ўзаемавыгадных умовах».

У канцы кастрычніка ў Малдове на месяц ўвялі рэжым надзвычайнага становішча з-за дэфіцыту газу. Праз некалькі дзён краіна ўпершыню купіла паліва не ў «Газпрама».

Некалькі дзён таму газета Financial Times пісала, што «Газпрам» прапаноўваў Малдове зніжку на газ у абмен на змяненне ўмоў пагаднення з ЕС аб бязмытным гандлі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера