Знайсці
07.12.2021 / 10:16РусŁacБел

Жонка пра Алеся Пушкіна: «Сувязь з ім знікла…»

Жонка мастака Алеся Пушкіна распавяла «Народнай Волі», што муж па-ранейшаму знаходзіцца ў Рэспубліканскім навукова-практычным цэнтры псіхічнага здароўя ў Навінках.

30 сакавіка Алеся Пушкіна затрымалі ў вёсцы Жылічы Кіраўскага раёна, дзе ён працаваў на рэстаўрацыі палаца Булгакаў.

Мастак — фігурант крымінальнай справы, якую распачала пракуратура паводле ч. 3 арт. 130 Крымінальнага кодэкса (распальванне варожасці): «за ўчыненне наўмысных дзеянняў, накіраваных на рэабілітацыю і апраўданне нацызму». Падставай для гэтага стаў напісаны ім партрэт антысавецкага дзеяча, выстаўлены ў прыватным «Цэнтры гарадскога жыцця» ў Гродне.

Пазней прэтэнзіі ў следчых узніклі і да цыкла твораў мастака, якія ён стварыў больш за 20 гадоў таму!

А ў мінулым месяцы з’явілася інфармацыя, што Алеся Пушкіна з СІЗА накіравалі ў псіхіятрычную лякарню ў Навінках — быццам бы для правядзення экспертызы.

«Калі нічога не змянілася, то, значыцца, муж ужо каля месяца знаходзіцца ў Навінках, — кажа Яніна Пушкіна. — На жаль, інфармацыі ніякай не маю, бо, як вядома, адвакат знаходзіцца пад падпіскай аб неразгалошванні.

Знікла з Алесем і сувязь праз ліставанне. Калі з ізалятара больш-менш нармальна прыходзілі лісты, то апошні атрымала больш за месяц таму. Хаця ў ім муж ніякім чынам не згадваў, што яго могуць змясціць у псіхіятрычную лякарню. З таго часу — поўная цішыня…»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера