Знайсці
10.01.2022 / 00:43

Італьянскі студэнт запатэнтаваў маскі, якія мяняюць колер, калі іх больш нельга насіць

19-гадовы студэнт Віярэл Багоціч з правінцыі Анкона на поўначы Італіі стварыў ахоўную маску, якая змяняе колер у той момант, калі перастае фільтраваць паветра і яе трэба мяняць. Сваё вынаходніцтва ён ужо запатэнтаваў, а 18 лютага прэзентуе на сусветнай выставе Expo ў Дубаі, паведамляюць італьянскія СМІ. 

Гэты праект быў створаны пасля таго, як хлопец прачытаў, што, паводле апытання, 72% італьянцаў выкарыстоўваюць маску так доўга, што яна становіцца проста неэфектыўнай, каб стаць бар'ерам для віруса. А ў аснове яго вынаходніцтва ляжыць тэхналогія, якая вызначае прыдатнасць прадуктаў з выкарыстаннем біяхімічнай рэакцыі.

Віярэл Багоціч спадзяецца, што яго патэнт можа быць выкарыстаны для вытворчасці ў першую чаргу хірургічных масак: тады той, хто стаіць побач, убачыць, што маска іншага чалавека больш не фільтруе паветра, і зможа дыстанцыявацца.

Гэтая ж тэхналогія прызначана для выкарыстання ў рэспіратарах класа ffp2 — менавіта гэты сродак абароны абавязковы цяпер у любых закрытых памяшканнях і ў транспарце ў Італіі.

Італьянскія СМІ паведамляюць, што хлопец першы год вывучае электронную інжынерыю ў Політэхнічным універсітэце Турына, а ідэя інавацыйнай маскі нарадзілася летась, калі ён яшчэ вучыўся ў каледжы імя Галілея ў горадзе Езі. У Італіі хлопец жыве з двух гадоў, яго сям'я пераехала туды з Румыніі.

Сам малады вынаходнік прызнаўся, што не чакаў такога поспеху. Ён ужо наладжвае кантакты з некалькімі вытворцамі масак з розных куткоў Італіі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31