Знайсці
10.01.2022 / 09:00

У Казахстане затрымалі каля васьмі тысяч чалавек

У Казахстане ў выніку масавых беспарадкаў затрымалі 7939 чалавек. У прыватнасці, 207 чалавек былі затрыманыя на двух рынках у Алматы.

Reuters.com

Акрамя таго, паліцэйскія канфіскавалі пяць скрадзеных аўтамабіляў, дзве адзінкі халоднай зброі і чатыры агнястрэльнай, а таксама выкрадзеныя матэрыяльныя каштоўнасці, перадае Tengrinews са спасылкай на аператыўны штаб Міністэрства ўнутраных спраў Рэспублікі.

Напярэдадні, 9 студзеня, прэс-служба прэзідэнта Касым-Жамарта Такаева па выніках пасяджэння аператыўнага штаба паведаміла аб затрыманні 5,8 тыс. чалавек, якія маюць дачыненне да ўдзелу ў беспарадках. Акрамя таго, было заведзена 125 крымінальных спраў.

У паведамленні прэс-службы адзначалася, што сярод затрыманых — «значная колькасць замежнікаў». Сілавыя службы краіны сканцэнтраваныя на пошуку і затрыманні «тэрарыстаў», зборы доказнай базы і правядзенні экспертыз, удакладнілі ўлады.

Разам з тым дзяржсакратар Казахстана Ерлан Карын расказаў: чым займаюцца сілы АДКБ у краіне, пра дапамогу якіх прасіў кіраўнік краіны.

«Сілы АДКБ будуць задзейнічаныя не ва ўсіх рэгіёнах. Яны будуць лакальна забяспечваць ахову жыццёва важных аб'ектаў. Гэта абгрунтаваная мера», — напісаў Карын у Тэлеграме.

Карын падкрэсліў, што місія АДКБ з'яўляецца міратворчай. Яна разлічаная на непрацяглы час, і пасля стабілізацыі сітуацыі кантынгент АДКБ будзе выведзены з Казахстана, дадаў дзяржсакратар.

Паводле яго слоў, перакідка сіл міратворчай місіі дазволіла «вызваліць неабходныя рэсурсы» і сцягнуць спецпадраздзяленні для контртэрарыстычнай аперацыі ў Алматы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31