Лукашэнка заявіў, што аперацыя АДКБ у Казахстане была распрацавана ім і Пуціным на працягу гадзіны
Аляксандр Лукашэнка заявіў, што міратворчая аперацыя АДКБ у Казахстане была распрацаваная ім і Пуціным. Сёння ім прыехаў у Мачулішчы да міратворцаў, што вярнуліся з Казахстана.
Фота прэс-службы Лукашэнкі
«Я скажу больш, без хвальбы. Уся гэтая аперацыя, аж да дэталяў, была распрацавана двума прэзідэнтамі — Расіі і Беларусі — на працягу адной гадзіны. Была намечаная задума, Міністэрства абароны пад кіраўніцтвам Шайгу і Хрэнін дэталізавалі ў генеральных штабах задуму двух прэзідэнтаў, і ўжо праз некалькі гадзін вылецелі першыя самалёты ў Казахстан. Усё было зроблена хутка і рашуча, без ваганняў», — сказаў Лукашэнка, сустракаючыся з міратворцамі, якія вярнуліся з Казахстана.
Паводле яго слоў, перакідка кантынгенту войскаў краін-саюзніц у самыя кароткія тэрміны ліквідавала пагрозу разбурэння дзяржавы, забяспечыла стабілізацыю сітуацыі і аднаўленне канстытуцыйнага парадку ў краіне.
Нагадаем, што міратворчая місія краін АДКБ — Беларусі, Арменіі, Кыргызстана, Расіі, Таджыкістана — доўжылася ў Казахстане некалькі дзён. Па дапамогу ў АДКБ звярнуўся прэзідэнт Такаеў. Беларусы ахоўвалі ў Казахстане стратэгічныя аб'екты.
13 студзеня адбыўся вывад вайсковых кантынгентаў.
Лукашэнка заявіў, што місія АДКБ у Казахстане паказала эфектыўны механізм барацьбы з каляровым рэвалюцыямі
