Знайсці
18.01.2022 / 18:34

Беларуская IT-кампанія патрапіла ва Украіне ў скандал. Адмовіла айцішніку, бо той размаўляў па-ўкраінску

IT-кампанія Andersen адмовіла суіскальніку працу ў сумоўі, бо ён размаўляе па-ўкраінску, піша РБК-Украіна.

Пра сітуацыю на Фэйсбуку паведаміў суіскальнік Багдан Мельнік:

«Упаўнаважаны па абароне дзяржаўнай мовы, топавы працадаўца ва Украіне па версіі супольнасці DOU адмовіў мне ў наступным этапе сумоўя толькі таму, што я размаўляю па-ўкраінску ў Украіне. І гэта кіеўскі офіс»,

— паведаміў Багдан і прымацаваў скрыншот сваіх зносін з патэнцыйным працадаўцам.

Як пасля аказалася, кампанія не толькі не хоча бачыць у сваім калектыве ўкраінамоўных супрацоўнікаў, але і публічна хваліцца перамогамі ў Расіі, якая для ўкраінцаў — краіна-агрэсар.

Увогуле ўсе пасты кампаніі ў сацсетках выкананыя выключна на рускай мове.

Для нас гэтая сітуацыя цікавая перадусім тым, што створаная ў 2007 годзе IT-кампанія Andersen — беларуская.

Яе галаўны офіс да нядаўняга часу займаў некалькі паверхаў хмарачоса Royal Plaza ў цэнтры Мінска. Але ў канцы 2020-га адбылася рэлакацыя ў Кіеў, звязаная з палітычнымі падзеямі ў Беларусі.

Выглядае, што кіраўніцтва кампаніі не ўсвядоміла, што моўная палітыка Украіны значна адрозніваецца ад беларускай, а таму па звычцы вядзе кадравую палітыку паводле схемаў, шырока распаўсюджаных у Беларусі. 

Чытайце таксама:

ІТ-кампанія Andersen перанесла штаб-кватэру з Мінска ў Кіеў

Мінская IT-кампанія пералічыла інфекцыйнай бальніцы амаль $10 тысяч

Міфы і жорсткая рэальнасць IT. Інтэрв'ю з заснавальнікам IT-кампаніі Andersen, якая ладзіць сустрэчы з Алексіевіч і Шушкевічам

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31