«Баварыя» ды ПСЖ — чэмпіёны, «Беціс» заваёўвае Кубак. Галоўныя перамогі ў еўрапейскім футболе за ўік-энд
Суперклуб з Мюнхена ставіць рэкорд кантынента праз дзясятую запар перамогу ў Бундэслізе. Ліянэль Месі ўпершыню атрымлівае залаты медаль клубнага першынства за межамі Барселоны. А Хаакін Санчас прыводзіць свой клуб да трыумфу ў Кубку Іспаніі за некалькі месяцаў да 41-га дня народзінаў!
«Баварыя» ў 10 раз запар перамагла ў Бундэслізе. Фота: AFP
Германія
У гісторыі топавых кантынентальных турніраў ніколі не фіксаваўся вынік, калі адна і тая ж каманда 10 гадоў запар заставалася на вяршыні. Мюнхенская «Баварыя» разбурыла стэрэатып адносна таго, што гэта ў прынцыпе немагчыма. За кошт перамогі над над «Барусіяй» з Дортмунда калектыў Юліяна Нагельсмана апынуўся недасягальным для пераследвальнікаў. І, абараніўшы тытул, акругліў ягоную серыйную колькасць для «рэкордмайстара».
@esmuellert_ absolutely soaks @BSchweinsteiger in beer after @FCBayern won the Bundesliga title!
: @ESPNFCpic.twitter.com/ICwPy3rTT3
Адначасова ў гісторыю клуба ўвайшоў і Томас Мюллер. Для паўабаронцы трыумф з «Баварыяй» стаў 11-м у кар'еры — такога Бундэсліга таксама ніколі не бачыла. Плюс варта прыгадаць Кінгслі Камана: 25-гадовы хаўбек заваяваў 25 трафей у кар'еры!
Since making his professional debut in 2013, Kingsley Coman has won the league title in every single domestic campaign he's played pic.twitter.com/xcVjS3Ew9k
Прычым дзесяць год запар ён здабывае выключна золата ў розных першынствах — французскай Лізе 1, італьянскай серыі «А» ды нямецкай Бундэслізе.
Францыя
Пра тое, што «Пары Сэн-Жэрмен» стане чэмпіёнам, упэўнена казалі яшчэ да пачатку першынства. Недарма ж да зорнага форварда Неймара кіраўніцтва каманды ўлетку далучыла не менш зорнага паўабаронцу Ліянэля Месі. І хай сабе топ-футбалісты часцютка прапускалі матчы з-за пашкоджанняў ды не вельмі сур'ёзна выкладаліся ў матчах Лігі 1, ПСЖ місію выканаў.
The Collectif Ultras Paris celebrate PSG’s 10th Ligue 1 title. pic.twitter.com/AOFjjYBZiN
Для сталічнага клуба тытул стаў юбілейным, 10-м. А вось культавы аргенцінскі гулец здабыў 39-ю найвышэйшую ўзнагароду. Да паўтарэння абсалютнага рэкорду ўсіх часоў, што належыць бразільцу Дані Алвесу, застаецца ўсяго сем трафеяў.
Lionel Messi, all 39 career titles:
1 Copa America
1 U20 World Cup
1 Olympic Gold Medal
10 La Liga
7 Copa del Rey
8 Supercopa
4 UEFA Champions League
3 Club World Cups
3 UEFA Super Cups
1 Ligue 1 pic.twitter.com/fSs9wOQshu
Дадамо, што на клубным узроўні Месі ўпершыню здабыў узнагароду за межамі Іспаніі, бо ўсю сваю папярэднюю кар'еру ў Еўропе правеў у шыхтах «Барселоны».
Іспанія
Фінал Кубка Караля між «Валенсіяй» ды «Бецісам» завяршыўся варыянтам, максімальна драматычным з усіх магчымых — серыяй пенальці. Латарэя прынесла поспех «агуркам», якія не здабывалі гэтую ўзнагароду ажно з 2005 года.
[RESUMEN] @RealBetis 1-1 @valenciacf#FinalCopaDelRey
pic.twitter.com/rbne8m0Oav
Цікава, што з тых часоў у іх складзе заставаўся гулец, які спрычыніўся і да поспеху 2022-га. Размова пра 40-гадовага капітана Хаакіна Санчаса — чалавека, што з'яўляецца сапраўдным сімвалам клуба. Паўбаронца носіць пачэсны тытул валадара найбольшай колькасці матчаў за «Беціс» увогуле (493), у вышэйшай іспанскай лізе (381) і ў еўракубках (33).
Joaquín first won the Copa del Rey with Real Betis in 2005. He was 23.
17 years later, he’s won it again. At 40 years old. In their home city of Seville pic.twitter.com/9a8JzIfkIt
Аднак больш за ўсё яго любяць за шчырасць — не толькі футбольную, але і чалавечую. Колькі год таму на трэніровачных зборах ён прапусціў адну з кантрольных сустрэч.
І на пытанне журналістаў, з якой прычыны, адказаў без эківокаў: «Пахмелле. Напярэдадні пасядзеў з сябрамі за келіхам віна і крыху перабраў. Ну а што, я ўжо не маладзён, каб спачатку годна піць, а пасля шмат бегаць».
Застаецца спадзявацца, што гэтым разам святкаванні з нагоды перамогі ў Кубку для Санчаса прайшлі без наступстваў.
