Знайсці
06.05.2022 / 14:23РусŁacБел

Памёр уладальнік легендарнай мінскай кавярні «У дзеда»

«У тую пятніцу пайшоў з жыцця Аляксандр Мікалаевіч Бажко — уладальнік сапраўды легендарнай кавярні «У Дзеда», я б сказаў, маленькай душы Мінска», — напісаў блогер Павел «Кокобай» Крамар.

Бажко ў мінулым — афіцэр, выйшаў у адстаўку ў 1992 годзе. Пасля заняўся рэстараннай справай. Удзельнічаў у кіраванні клубам «Чорны лімон», працаваў у «Сытым тату», пасля адчыніў сваю кавярню, якая стала культавым месцам для беларусаў і турыстаў.

Установа была вядомая дзякуючы смачнай каве па-бедуінску, рэцэпт якой нават хацелі купіць замежнікі за вялікія грошы.

Восенню 2020 года Бажко знялі ў прапагандысцкім фільме, у якім гаварылася, што пратэстоўцы нібыта пагражалі яму пагромам кавярні.

У размове з журналістамі «Нашай Нівы» бізнэсовец заявіў, што нічога такога не было, а прапагандысты ўсё выдумалі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера