Знайсці
08.05.2022 / 14:16

Возьмуцца за гісторыкаў? Лукашэнкаўцы патрабуюць новых чыстак

У праўладных каналах пачаліся нападкі на яшчэ адну групу гісторыкаў, якіх лукашэнкаўцы лічаць недастаткова лаяльнымі. Гэта выбітныя навукоўцы.

Фота: Акадэмія навук Беларусі

Адзін з тых, каго згадваюць, — Алесь Суша. Да нядаўняга часу ён быў намеснікам гендырэктара Нацыянальнай бібліятэкі, цяпер працуе ў Акадэміі навук — у Цэнтры энцыклапедычных выданняў. Ён таксама намеснік дырэктара Цэнтральнай навуковай бібліятэкі.

Алесь Суша. Фота: сацыяльныя сеткі

Суша вядомы як папулярызатар спадчыны Францішка Скарыны. Спрыяў вяртанню ў Беларусь яго «Малай падарожнай кнігі».

Навуковец даследуе таксама гісторыю беларускага хрысціянства. З яго ўдзелам былі алічбаваныя каштоўныя гістарычныя дакументы.

Іншы гісторык — Мікалай Плавінскі, з Інстытута гісторыі Акадэміі навук. Ён загадчык аддзела археалогіі Полацкай зямлі і сумежных тэрыторый.

Мікалай Плавінскі. Фота: сацыяльныя сеткі

Адзін з найвядомейшых беларускіх археолагаў. Яго бацька, таксама археолаг, даследаваў пахавальныя курганы ў Гомельскай, Віцебскай і Мінскай абласцях.

Пад раздачу трапіў і дацэнт Вадзім Кошман, загадчык цэнтра археалогіі Беларусі. Ён абараняў кандыдацкую па тэме «Сельскія паселішчы міжрэчча Бярэзіны і Дняпра ў Х—ХІІІ стагоддзях». Пісаў таксама навуковыя працы па Трасцянцы.

Вадзім Кошман. Фота: sb.by

Лукашэнкаўцы гневаюцца, што гэтыя навукоўцы захавалі свае пасады.

«А чые гэта пратэжэ, спадары акадэмікі? Хто іх «крышуе»?» — лукашэнкаўскія каналы пагражаюць недастаткова актыўным у рэпрэсіях падначаленых кіраўнікам інстытутаў.

Палітычна матываваныя звальненні ва ўніверсітэтах і Акадэміі навук ідуць увесь перыяд кіравання Аляксандра Лукашэнкі.

За апошнія амаль два гады ў выніку некалькіх хваль чыстак звольнілі многіх навукоўцаў НАН. Працу страцілі шматлікія супрацоўнікі аддзяленняў біялагічных навук, фізіка-тэхнічных навук, гуманітарных навук, мастацтваў, Нацыянальнага гістарычнага архіва. За пазіцыю не працягвалі кантракт прафесарам універсітэтаў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
28
Ха-ха
1
Ого
1
Сумна
6
Абуральна
138
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31