Знайсці
10.05.2022 / 15:52

Дадайце гэтую спецыю ў каву — і вы заўсёды будзеце так рабіць

Кава — адзін з самых папулярных напояў, і шмат людзей не ўяўляюць без яе сваю раніцу. А ці ведалі вы, што кава можа дзейнічаць яшчэ эфектыўней? Дастаткова толькі дадаць у яе адзін вядомы інгрэдыент.

Фота: pixabay.com

Аматары кавы падзяляюцца на дзве асноўныя катэгорыі. Першая з іх любіць моцную і горкую каву, другая — дадае ў яе цукар, малако, вяршкі ці іншыя прадукты, што робяць смак кавы трохі мякчэйшым.

Некалькі гадоў таму была вельмі папулярнай кава з маслам і какосавым алеем, пазней настала чарга кавы з соллю. А зараз параім вам паспрабаваць дадаць у каву дробку карыцы — гэта не толькі палепшыць яе смак, але і ў некаторых выпадках зробяць каву больш карыснай для здароўя.

У карыцы шмат антыаксідантаў, яна мае супрацьвірусныя, антыбактэрыяльныя і супрацьгрыбковыя ўласцівасці. Гэта цудоўны сродак ад пякоткі, нястраўнасці, спецыя, багатая на кальцый, магній, калій, фосфар і вітамін К. У дадатак, карыца можа зніжаць узровень цукру ў крыві.

Але ж карыца — гэта яшчэ не ўсё. Паспрабуйце падчас заварвання кавы дадаць у кубак шкарлупіну ад яек, і тады кальцый у шкарлупіне прыбярэ кіславаты ці горкі прысмак кавы і дапаможа раскрыць яе смак.

Лепей за ўсё выбіраць шкарлупіну ад вараных яек, бо падчас варкі высокая тэмпература знішчыць на ёй усе мікробы. Далей проста дадайце некалькі кавалачкаў шкарлупіны ў каву перад заварваннем і, калі напой ужо будзе гатовы, дастаньце шкарлупіну або дайце ёй упасці на дно разам з кававай гушчай.

Нарэшце, раім вам пакаштаваць каву з какавай. Хопіць паловы чайнай лыжкі какавы на кубак, каб кава атрымала непаўторны глыбокі водар і цудоўны шакаладны прысмак. У какаве шмат магнію, таму яна можа дапамагчы з барацьбе з яго дэфіцытам — пра гэтую праблему ведае шмат хто з аматараў кавы. Таксама ў какаве ёсць кальцый, жалеза і шмат бялкоў, тлушчоў і вугляводаў, дзякуючы якім кава атрымлівае большую харчовую вартасць і лепей уплывае на арганізм, калі мы п’ем яе нашча.

«Нашу Ніву» фінансуюць яе чытачы — падтрымаць проста

Чытайце таксама:

Рэцэпт на выхадныя. Бісквітны пірог з імбірам — просты і духмяны

Рэцэпт на выхадныя. Пірожныя паштэйш — візітная картка партугальскай кухні

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
33
Панылы сорам
4
Ха-ха
8
Ого
6
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31