Знайсці
16.05.2022 / 18:06

Былы спецназавец. Кім быў ротны «Волат» з батальёна Каліноўскага

Паўла «Волата» — камандзіра роты батальёна Кастуся Каліноўскага, які загінуў, абараняючы Украіну — называюць ваяром-легендай. Ён шмат разоў быў паранены, але яму ўдавалася выстаяць. Што вядома пра гэтага беларускага байца?

Фота: тг-канал батальёна Кастуся Каліноўскага

Інтэрв'ю з «Волатам» у 2018 годзе публікаваў «Белсат». У ім хлопец расказваў, што ў 18 гадоў яго прызвалі на тэрміновую службу ў роту выведкі 3-й брыгады спецназа (вайсковая часць 3214).

«Там я сустрэў абсалютна прарасейскую ідэалагічную падрыхтоўку, — згадваў Павел, які цікавіўся ваеннай гісторыяй. — Прычым адкрыта прарасейскія настроі былі і ў афіцэраў, у камандавання, і ў кантрактнікаў, якія там служаць. Пачатак маёй службы супаў з падзеямі ў Крыме і на Данбасе — дык прыкладна 70% у нашай часці гучна падтрымлівалі Расею, астатнім было або абыякава, або ў прыватных размовах некаторыя саслужыўцы маглі сказаць, што Украіна насамрэч мае рацыю».

Пасля службы ён год працаваў ахоўнікам, але заўжды хацеў пабываць на вайне.

«Асабліва, калі гэтая вайна закранае і інтарэсы Беларусі ў пэўным сэнсе. Хацелася зрабіць нешта годнае, нешта вартае», — тлумачыў «Волат».

У 2016 годзе ён паехаў на Данбас, далучыўся да 1-й штурмавой роты «Правага сектара». Тыдзень правёў на падрыхтоўчай базе, а потым адразу на перадавую лінію фронту. Першыя баявыя пазіцыі — Пескі, пазней — Аўдзееўка і ваколіцы. Хлопец удзельнічаў у баях узімку 2017-га, падчас абвастрэння пад Аўдзеейкай. Расказваў, што сярод тых, хто ваяваў на баку «ДНР», былі былыя спецназаўцы з Беларусі.

У сакавіку 2018 года Павел падпісаў кантракт з Узброенымі сіламі Украіны. Яго накірункам была выведка, дыверсійная дзейнасць. Даводзілася выконваць розныя задачы — ад заходу на непадкантрольную тэрыторыю і ліквідацыі праціўніка да збору інфармацыі і назірання за пазіцыямі баевікоў.

«Шчыра кажучы, я не думаю, што вярнуся да мірнага жыцця, — казаў Павел тады, яшчэ не ведаючы свайго лёсу. — Вайна — гэта ўжо, хіба, назаўжды. Хацеў бы пабачыць сваякоў, прыехаць у Беларусь на месяц — але такое будзе магчыма, вядома, толькі пасля змены ўлады.

Калі ў Беларусі пачнецца падобны канфлікт, то ўсё, я думаю, будзе развівацца па больш сумным сцэнары. І, натуральна, я вярнуся ў выпадку расейскай агрэсіі і паспрабую хоць нешта зрабіць са сваймі навыкамі».

Смяротна паранены, застаўся прыкрываць сваіх. Хто такі беларус «Тур», забіты пад Кіевам

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
11
Панылы сорам
Ха-ха
2
Ого
Сумна
125
Абуральна
1
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31