Мінабароны Брытаніі: Расія працягвае спадзявацца на масіраваныя артабстрэлы
Паводле ацэнак брытанскага міністэрства абароны, у Чарнігаўскай вобласці каля 3500 будынкаў былі разбураныя або пашкоджаныя падчас расійскага наступу на ўкраінскую сталіцу. 80% шкоды нанесена жылых дамоў.
Фота: AP
Маштаб гэтай шкоды сведчыць пра гатоўнасць Расіі выкарыстоўваць артылерыю супраць населеных пунктаў з мінімальным улікам суразмернасці і шкоды цывільнай інфраструктуры.
Расія, верагодна, звярнулася да ўсё больш актыўнага выкарыстання артылерыйскіх абстрэлаў з-за абмежаваных магчымасцяў выяўлення мэтаў і нежадання рызыкаваць баявой авіяцыяй за межамі сваіх ліній фронту.
У наступныя тыдні Расія, робіць выснову брытанскае Міністэрства абароны, хутчэй за ўсё, працягне спадзявацца на масіраваныя артылерыйскія ўдары, спрабуючы актывізаваць наступ у Данбасе.