Знайсці
20.05.2022 / 16:48

Галоўчанка заклікаў краіны СНД адмовіцца ад даляра і еўра

Прэм'ер-міністр Беларусі Раман Галоўчанка заклікаў краіны СНД адмовіцца ад даляра і еўра. На ягоную думку, гэта дазволіць павялічыць аб'ём узаемнага гандлю. Пра гэта ён заявіў на пасяджэнні Савета кіраўнікоў урадаў дзяржаў СНД.

Беларускі прэм'ер падкрэсліў, што супраць Беларусі і Расіі штампуюцца «новыя пакеты беспрэцэдэнтных і нелегітымных з пункту гледжання міжнароднага права санкцый».

На ягоную думку, санкцыі адбіваюцца на іншых краінах СНД, таму яны павінны падтрымліваць Расію і Беларусь, у першую чаргу адмовіўшыся ад даляра і еўра ў гандлі з імі.

«Дамагчыся забеспячэння ўстойлівага эканамічнага росту ва ўмовах абвешчанай нам эканамічнай вайны будзе немагчыма без вырашэння адной з сістэмаўтваральных задач — максімальнага сыходу ад узаемаразлікаў у далярах і еўра. Гэта дасць магчымасць не толькі павялічыць трансгранічныя разлікі, якія могуць ажыццяўляцца наўпрост паміж краінамі-ўдзельніцамі, але таксама стымуляваць узаемны гандаль і абараніць экспарцёраў і імпарцёраў ад ваганняў курсаў валют трэціх краін», — сказаў Галоўчанка.

Ён адзначыў, што ў СНД ужо ў значнай ступені сфармаваная неабходная плацежная інфраструктура для поўнага сыходу ад даляра і еўра. Але разам з тым яшчэ застаецца «істотнай» доля разлікаў у гэтых валютах.

«У сувязі з гэтым прашу кіраўнікоў дэлегацый актывізаваць працу на гэтым кірунку. Міждзяржбанк сфармаваў пералік адпаведных прапаноў. Лічу неабходным іх разгледзець у першачарговым парадку», — сказаў Галоўчанка.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
7
Ха-ха
20
Ого
Сумна
Абуральна
1
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
май чэрвень ліпень
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30