Літва з нядзелі не будзе атрымліваць газ, нафту і электрычнасць з Расіі
Аператар біржы Nord Pool прыняў пастанову не купляць расейскую электраэнэргію ў адзінага яе імпарцёра ў краінах Балтыі — групы Inter RAO.
Гэта значыць, што з нядзелі ў Літве не будзе ні расійскага газу, ні нафты, ні электраэнэргіі, паведамляе Мінэнэрга. «Гэта вельмі важны крок не толькі на шляху Літвы да энергетычнай незалежнасці. Гэта выказванне нашай салідарнасці з ваюючай Украінай, мы не можам дазволіць, каб на нашы грошы фінансавалася расійская ваенная машына», — сказаў міністр энергетыкі Дайнюс Крэйвіс.
Патрэбы Літвы ў газе забяспечваюцца за кошт тэрмінала ЗПГ у Клайпедзе, куды пастаўляюць газ з ЗША, у электрычнасці — за кошт мясцовай электрычнасці і імпарту з краін ЕС праз існуючыя злучэнні са Швецыяй, Латвіяй і Польшчай, завод Orlen Lietuva адмовіўся ад расійскага газу месяц таму.
