Знайсці
22.05.2022 / 10:06

Расійскія войскі, магчыма, рыхтуюць наступ на поўдні Украіны

Яны, імаверна, збіраюць сілы ў пэўных раёнах Запарожскай і Херсонскай абласцей, піша амерыканскі Інстытут вывучэння вайны.

Фота: Rodrigo Abd / AP

Расійскія войскі, магчыма, рыхтуюцца да зацяжных аперацый на поўдні Украіны і плануюць наступ з мэтай захопу астатняй часткі поўначы Херсонскай вобласці і прасоўвання да горада Запарожжа, нягледзячы на адсутнасць якіх-небудзь пацверджаных поспехаў на паўднёвым кірунку.

Херсонская абласная дзяржаўная адміністрацыя заявіла, што расійскія войскі папаўняюць сваю групоўку ў Высакополлі і Архангельску на поўначы Херсонскай вобласці ў чаканні ўзмацнення баявой актыўнасці ў раёне мяжы ў Херсонскай і Мікалаеўскай абласцях. У Запарожскай абласной ваеннай адміністрацыі адзначылі, што ў Інжынерным назіраецца высокая канцэнтрацыя расійскіх войскаў, на поўдзень ад Гуляйполя, што паказвае на тое, што расіяне патэнцыйна рыхтуюцца да працягу наступу ў тым кірунку. Расійскія войскі дадаткова абстралялі і нанеслі ракетныя ўдары па Мікалаеве, Адэсе, Запарожскай і Херсонскай абласцях.

Расійскія войскі таксама, верагодна, узмацняюць сваю групоўку на поўнач ад Харкава, каб прадухіліць далейшае прасоўванне ўкраінскага контрнаступу да расійскай мяжы. Яны могуць у найбліжэйшай будучыні ўвесці часці 1-й танкавай арміі ў паўночную частку Харкава.

Расіяне працягнуць намаганні па акружэнні Севераданецка і Лісічанска, прынамсі, з поўдня, магчыма, засяродзіўшыся на перакрыцці апошняй аўтамагістралі, якая злучае Севераданецк і Лісічанск з астатняй Украінай.

У Марыупалі, верагодна, яны пераключаць сваю ўвагу на акупацыйны кантроль над горадам, паколькі аблога «Азоўсталі» завяршылася.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
Ха-ха
Ого
Сумна
3
Абуральна
39
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31