Знайсці
23.05.2022 / 12:04РусŁacБел

Пушылін: Судзіць палонных байцоў «Азова» будзе «трыбунал»

Усе ўкраінскія вайскоўцы, якія здаліся ў палон на заводзе «Азоўсталь» у Марыупалі, цяпер знаходзяцца на тэрыторыі «ДНР», дзе іх плануюць аддаць пад трыбунал, заявіў кіраўнік самаабвешчанай рэспублікі Дзяніс Пушылін.

Фота: AP

«Палонныя з «Азоўсталі» ўтрымліваюцца на тэрыторыі «ДНР». Міжнародны трыбунал плануецца таксама арганізаваць на тэрыторыі рэспублікі. Цяпер прапрацоўваецца статут трыбунала», — сказаў ён «Інтэрфаксу».

Металургічны камбінат «Азоўсталь» у Марыупалі знаходзіўся ў аблозе з пачатку сакавіка. Гэта была апошняя не занятая расійскімі вайскоўцамі кропка ў горадзе, якая была пазбаўленая сувязі са знешнім светам.

Украінцы трымалі абарону да 16 мая: у гэты дзень Генштаб УСУ загадаў камандзірам падраздзяленняў, якія знаходзяцца на «Азоўсталі», «захаваць жыццё асабовага складу».

Паводле расійскіх СМІ, здаліся 2 439 чалавек. Кіеў заяўляе, што яны будуць абмененыя на расійскіх палонных. Пра такую магчымасць заявіў сёння і намеснік кіраўніка МЗС Расіі Андрэй Рудэнка, які дапусціў магчымасць абмеркавання з Украінай абмену палонных з «Азоўсталі».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера