Знайсці
29.05.2022 / 13:07

Рэцэпт нескладаны, але цікавы. Яечня з рысам і гароднінай

Вы атрымліваеце цікавую страву ўсяго з некалькіх звычайных інгрэдыентаў. Прычым для гатавання можна выкарыстоўваць астаткі ўчарашняга рысу.

Фота: Wall Street Journal

Алей, у якім смажыўся часнок, вельмі духмяны. Калі на такім алеі далей абсмажыць рыс і яйкі, яны набудуць апетытны водар (па аналогіі з тым, як гатуюць пасту з крэветкамі). Рыс можна браць і свежазвараны, і ўчарашні. Толькі трэба, каб ён быў сухі, каб пасля абсмажвання стаў хрумсткі, у гэтым «фішка» стравы.

Час гатавання: 30 хвілін

Інгрэдыенты:

  • восем тонка нарэзаных зубкоў часнаку,
  • трохі рафінаванага алею,
  • соль,
  • тры порцыі варанага белага або карычневага рысу, астуджанага і падсушанага,
  • дзве чайныя лыжкі кунжутнага алею (факультатыўна),
  • чорны перац,
  • чатыры вялікія ці шэсць малых яек,
  • кубак буйна нарэзанай кінзы,
  • араматычны воцат для сервіроўкі (на ваш густ)
  • можна трохі не горкай цыбулі, на смак.

Рэцэпт:

  1. Пакладзіце дробнае сіта на невялікую міску і пастаўце яе побач з плітой.
  2. Наліце алей у вялікую патэльню і пастаўце на сярэдні агонь. Кіньце ў алей часнок.
  3. Гатуйце тры-пяць хвілін, часта патрэсваючы патэльню, пакуль часнок не стане злёгку залацістым і хрумсткім.
  4. Працадзіце алей праз сіта ў міску. Высыпце часночныя чыпсы на невялікую талерку і пасыпце соллю.
  5. Выліце палову часночнага алею назад у патэльню і пастаўце на сярэдні агонь.
  6. Дадайце рыс і кунжутны алей, змяшайце.
  7. Запраўце соллю і дастатковай колькасцю перцу, потым дайце рысу падсмажыцца, не мяшаючы — тры-чатыры хвіліны.
  8. Як толькі рыс пачне скварчэць, перамяшайце яго, смажце, пакуль у ім не з'явіцца больш залацістых хрумсткіх рысінак, гэта значыць, яшчэ дзве-тры хвіліны.
  9. Перакладзіце рыс на талеркі.
  10. Вытрыце патэльню, уліце другую палову часночнага алею і пастаўце на сярэдні агонь.
  11. Разбіце яйкі ў патэльню (асцярожна, яны будуць моцна скварчэць!).
  12. Пасаліце кожнае яйка і смажце, троху круцячы патэльню, каб забяспечыць раўнамернае запяканне. Варта смажыць, пакуль па краі не з'явіцца хрусткая скарыначка, бялкі не застынуць, а жаўткі застануцца вадкімі, што займае тры-пяць хвілін.
  13. Дадайце трохі воцату да смажанага рысу. Пасыпце зверху кінзой і смажаным часнаком.
  14. Зверху выкладзіце яйкі і падавайце да стала.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
1
Ха-ха
1
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31