Анексія Расіяй «ДНР», «ЛНР» і Херсона можа адбыцца ўжо ў ліпені
Кіраўнік міжнароднага камітэта Дзярждумы, член перамоўнай групы з Украінай і лідар ЛДПР Леанід Слуцкі заявіў, што рэферэндум аб уваходжанні «ДНР», «ЛНР» і Херсонскай вобласці ў склад РФ можа прайсці адначасова ўжо ў ліпені.
Фота: cenzor.net
«Не выключаю што гэта можа адбыцца ўжо ў ліпені, не буду прадказваць, дзе гэта будзе адбывацца, але мяркую, што «вызваленыя» тэрыторыі правядуць рэферэндум больш ці менш адначасова. Гэта было б лагічна. Разлічваю, што гэта можа адбыцца ўжо ў ліпені», — паведаміў Слуцкі РІА «Навіны».
Таксама ён станоўча адказаў на пытанне карэспандэнта агенцтва пра тое, ці хопіць у РФ на гэта рэсурсаў.
Рэферэндумы ў Расіі і на кантраляваных ёю тэрыторыях — гэта фармальныя працэдуры, якія не суправаджаюцца ані грамадскай дыскусіяй, а падлік галасоў на іх часта фальсіфікуецца ці ўвогуле не праводзіцца, а вынікі спускаюцца зверху.