Меркель выказалася пра вайну ва Украіне
Яна выказала салідарнасць з Украінай і падтрымала яе права на самаабарону.
У сваім першым публічным выступе за апошнія шэсць месяцаў былы канцлер Германіі Ангела Меркель назвала напад Расіі на Украіну «пераломным момантам», паведамляе Deutsche Welle.
Былы канцлер Нямеччыны Ангела Меркель выказалася з нагоды вайны ва Украіне. Яна назвала тое, што адбываецца «варварскай вайной» і заявіла, што яе трэба тэрмінова спыніць: «Мая салідарнасць заключаецца ў тым, што Расея атакуе, урываецца ва Украіну, і я і падтрымліваю права Украіны на самаабарону».
Меркель заклікала членаў Еўрасаюза праяўляць адзінства і сказала, што падтрымлівае дзеяньні ўладаў Германіі па спыненні канфлікту.
Аб расійска-нямецкіх адносінах падчас яе знаходжання на пасадзе канцлера, і асабіста з Уладзімірам Пуціным Меркель нічога не сказала.
Да гэтага Меркель толькі раз публічна выказвалася пра вайну ў Украіне. 25 лютага яна заявіла, што асуджае парушэнні міжнароднага права Расіяй: «Тое, што адбываецца, азначае сур'ёзны паваротны момант у гісторыі Еўропы пасля заканчэння халоднай вайны».
