Знайсці
03.06.2022 / 10:45РусŁacБел

100 дзён вайны — драматычныя і эмацыйныя кадры

Боль, разбурэнні, адчай, смерць, мужнасць, ахвярнасць, надзея. 100 дзён вайны Украіна змагаецца супраць расійскіх інтэрвентаў. Мільёны людзей вымушаны былі пакінуць дом. Іншыя запісаліся ў салдаты, франтавыя медыкі і валанцёры, каб яго абараняць. У гэтых кадрах — драма, якую перажывае ўкраінскі народ і за якой сочыць увесь свет.

Мадонна з Кіеўскага метро. Таццяна Блізнюк з дачкой Марычкай хаваюцца ад бомб. Карціна, напісаная з гэтай фатаграфіі, стала іконай у храме італьянскага Неапаля. 26 лютага 2022 г. Фота: Андраш Фельдэш, Teleks

Будынак мэрыі на цэнтральнай плошчы пасля абстрэлу Харкава, Украіна, 1 сакавіка 2022 г. Фота: AP

Дзеці выглядваюць з акна вагона аварыйна-эвакуяцыйнага цягніка, які не ацяпляецца. Цягнік рушыў з Харкава ў Львоў і спыніўся на кіеўскім вакзале, дзе і быў зроблены гэты здымак. 3 сакавіка 2022 г. Фоты: АР, Андрэй Дубчак

Ратавальнікі разбіраюць завалы пасля абстрэлу ў Харкаве. 4 сакавіка 2022 г. Фота: Дзяржаўная служба надзвычайных спраў Украіны

Людзі пад разбураным мастом, спрабуюць выбрацца праз раку Ірпень. 5 сакавіка 2022 г. Фота: AP Photo / Emilio Morenatti

У марыупальскай бальніцы. У кадры — доктар, пасля таго як не змог уратаваць маленькае дзіця, якое пацярпела ад абстрэлу. 5 сакавіка 2022 г. Фота: Яўген Малалетка / АР

У марыупальскай бальніцы. Фота: Яўген Малалетка / АР

Мар’яна Вышагірская каля разбомбленай радзільні ў Марыупалі. Гэта цяжарная мадэль стала аб'ектам цкавання расійскай прапаганды, якая абвінавачвала яе ў пастановачным кадры. 9 сакавіка 2022 г. Фота: Мсціслаў Чарноў, AP Photo

Валанцёрка Наста, якая выратавала з Ірпеня 19 бяздомных сабак. 10 сакавіка 2022 г. Фота: Christopher Occhicone

У Марыупалі ў жылым доме пасля абстрэлу танкаў расійскай арміі адбыўся выбух. 11 сакавіка 2022 г. Фота: AP / Evgeniy Malaletka

Помнік дзюку дэ Рышылье ў Адэсе, абкладзены мяхамі з пяском, каб абараніць яго ад абстрэлаў. 21 сакавіка 2022 г. Фота: Аляксандр Зянковіч

Мужчына едзе на ровары сярод супрацьтанкавых вожыкаў. Адэса, вуліцы Дзерыбасаўская. 27 сакавіка 2022 г. Фота: Аляксандр Зянковіч

Бадзяжны сабака суправаджае байца падраздзялення «Одін», калі ён хаваецца ў будынку падчас аперацыі зачысткі рэшты расійскіх войскаў у Ірпені. 29 сакавіка 2022 г. Фота: Daniel Berehulak-Rodriguez / NYT

Украінскія салдаты на фронце. Гэты кадр зрабіў вядомы ўкраінскі фотажурналіст Макс Левін, які загінуў на вайне. Сувязь з ім знікла 13 сакавіка, калі Левін паехаў рабіць фотарэпартаж у раён актыўных баявых дзеянняў каля Кіева. Ягонае цела знайшлі каля вёскі Гута Межыгорская. У Левіна засталося чацвёра непаўналетніх сыноў, грамадзянская жонка і пажылыя бацькі.

Украінскія ўцекачы адпачываюць у пакоі для начлегу ў горадзе Жэшаў, Польшча. З пачатку вайны ў Еўропу выехала 7 мільёнаў бежанцаў з Украіны. 30 сакавіка 2022 г. Фота: Надзея Бужан

Кіраўнік Харкаўскай абласной ваеннай адміністрацыі Алег Сінягубаў у сваім кабінеце. Расійскія ракеты ўпалі проста перад будынкам за месяц да гэтага. Тады загінулі 29 чалавек. 1 красавіка 2022 г. Фота: Павел Дарагой

Жыхар Бучы Васіль са шчанюком Мухтарам на руках стаіць на вуліцы знішчанага горада. Красавік 2022 г. Фота: Santi Palacios

Расійскія войскі пасля адступлення з Кіеўскай вобласці пакінулі страшныя сляды. Сяло Матыжын Макараўскага раёна. Расстраляныя дзве жанчыны і чацвёра мужчын. Забітыя стрэлам у патыліцу, у некаторых людзей рукі звязаныя за спіной. Адна з жанчын — стараста сяла, адзін з мужчын — яе сын. 2 красавіка 2022 г.

Брацкая магіла ў Бучы, 3 красавіка 2022 г. Фота: Rodrigo Abd / AP

Абстраляная машына ў вёсцы Стоянка пад Ірпенем. 3 красавіка 2022 г. Фота: Аляксандр Васюковіч

Засмучаны прэзідэнт Украіны Уладзімір Зяленскі падчас наведвання Кіеўшчыны, якую вызвалілі ад расійскіх войскаў. 4 красавіка 2022 г. Фота: president.gov.ua

Сляды расійскай акупацыі ў Трасцянцы на Сумшчыне. 5 красавіка 2022 г. Фота: Stas Yurchenko / Ґрати

Ацалелая кухонная шафа з керамічным пеўнікам з Барадзянкі, вызваленай ад расійскіх войскаў, стала сімвалам стойкасці ўкраінцаў. 8 красавіка 2022 г. Фота: agremantida / Twitter

Кіеўшчына. Расіяне забілі людзей, якія ехалі на машыне, а пасля спалілі іх целы. Мясцовыя жыхары пахавалі забітых, а каб родныя хоць калі маглі знайсці сваіх блізкіх, над магілай пакінулі нумарны знак. Фота: Thomas C. Theiner.

7-гадовы Ягор трымае драўляную цацачную стрэльбу на фоне знішчанай расійскай вайсковай тэхнікі. Ваколіцы Чарнігава. 17 красавіка 2022 года. Фота: АР / Яўген Малалетка

Марыупальскі дзённік 8-гадовага хлопчыка. «У мяне памерлі два сабакі, бабуля Галя і любімы горад Марыупаль», — напісана дзіцячай рукой. Фота: Яўген Сасноўскі

Прэм'ер Вялікабрытаніі Борыс Джонсан на цягніку з Польшчы ва Украіну. 10 красавіка 2022 г. Фота: Sky news

Харкаўскае метро на час вайны людзям замяніла дом. Красавік 2022 г. Фота: Yuki Iwamura

Ірпеньскія могілкі. 25 красавіка 2022 г. Фота: AP Photo/Emilio Morenatti

Сабака Патрон. Яму два гады, гэта душа і талісман чарнігаўскіх піратэхнікаў. Сабака суправаджае іх заўжды і паўсюль. Фота: Дзяржаўная служба надзвычайных спраў Украіны

Знакаміты кот-блогер Сцяпан разам з гаспадарамі эвакуяваўся з Харкава ў Францыю. За яго лёсам сачылі мільёны падпісантаў. Фота: інстаграм ката Сцяпана

Баец беларускага палка Каліноўскага Аляксей, пазыўны «Псіхолаг», страціў нагу пасля прылёту танкавага снарада. Фота: полк Каліноўскага

Вядома пра шасцёра беларусаў, якія загінулі ва Украіне з лютага 2022 года, змагаючыся супраць расійскіх інтэрвентаў. Гэта Канстанцін «Фенікс» Дзюбайла, Аляксей «Тур» Скобля, Ілля «Літвін» Хрэнаў, Павел «Волат», Зміцер «Тэрор» Апанасовіч і Зміцер «Ганс» Рубашэўскі.

Абаронца Марыупаля ў падвалах «Азоўсталі». 10 мая 2022 г. Фота: Дзмітрый Казацкі

Украінскі вайсковец пад промнямі сонца на тэрыторыі завода «Азоўсталь», дзе заблакаваныя салдаты і жыхары горада. Полк «Азоў» мужна трымаў абарону шмат дзён. 16 мая 2022 г. Фота: Дзмітрый Казацкі

Украінскія вайскоўцы сядзяць у аўтобусе пасля таго, як іх вывезлі з «Азоўсталі» расійскія салдаты, каля папраўчай калоніі ў Алёнаўцы на тэрыторыі «ДНР». 20 мая 2022 г. Фота: AP 

Наступствы маштабных разбурэнняў у Ірпені. 28 мая 2022 г. Фота: УНІАН

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера