Памёр паэт і выкладчык Мікалай Аляхновіч
Пасля працяглай хваробы ў Брэсце памёр паэт і выкладчык Мікалай Аляхновіч. Да 2021 года ён узначальваў Брэсцкую абласную філію Саюза беларускіх пісьменнікаў, паведамляе СБП.
Мікалай Аляхновіч нарадзіўся 14 студзеня 1953 года ў вёсцы Валішча Пінскага раёна Брэсцкай вобласці.
Скончыў філалагічны факультэт Брэсцкага дзяржаўнага педагагічнага інстытута. Лінгвіст, кандыдат філалагічных навук, дацэнт.
За час працы на факультэце працаваў намеснікам дэкана, дэканам філалагічнага факультэта. З ліпеня 2013 года — дацэнт на кафедры беларускага мовазнаўства і дыялекталогіі БрДУ імя Пушкіна.
У 1993—1995 гадах працаваў на кафедры ўсходнеславянскай і балтыйскай філалогіі факультэта гуманітарных навук Будапешцкага ўніверсітэта імя Лоранда Этвеша (Венгрыя).
Аўтар паэтычных зборнікаў «Жыццёвае веры прадзіва» (2006), «Святло дарогі» (2010), кнігі перакладаў «Такая тонкая размовы ніць» (2013) і іншых.
