Знайсці
07.06.2022 / 11:05

З газонам на даху і вялікім гіпермаркетам. Як выглядае ГЗЦ Green Time за дзень да адкрыцця ФОТЫ

Ужо заўтра на вуліцы Кабушкіна запрацуе ГЗЦ Green Time. Мясцовыя жыхары чакалі гэтай падзеі даўно. У офіс кампаніі-забудоўшчыка пастаянна тэлефанавалі мінчукі з адзіным пытаннем: «Ну калі вы ўжо адкрыецеся?» Onlíner за дзень да афіцыйнага старту паказаў, як выглядае гандлёвы цэнтр падчас апошніх падрыхтовак.

Аднапавярховы будынак займае каля 31 000 «квадратаў». У афармленні фасада выкарыстоўвалася дрэва, ды і наогул на «зялёную» тэматыку недвухсэнсоўна намякаюць і дэкаратыўныя элементы ў выглядзе лісця і сцёблаў.

Унутры наведвальнікаў сустрэне класічны белы колер, шмат шкла, сімпатычныя зоны адпачынку з лавачкамі і раслінамі. Для дзяцей унутры арганізавалі невялікую гульнявую пляцоўку з горкай і тэлевізарам.

Занятых гандлёвых плошчаў пакуль не вельмі шмат: свае павільёны ўжо паспелі ўладкаваць такія крамы, як Vdom, Zoobazar, «Косметика24». Па дакументах, 80% памяшканняў здадзеныя ў арэнду, але большасць кампаній плануюць «засяліцца» да канца чэрвеня. У большасці сваёй гэта будуць беларускія ці расійскія брэнды адзення, аксесуараў і касметыкі. Адзін з найбуйнейшых — гэта Kari.

— Цяпер вядзём перамовы з Sinsay, хочам прапанаваць рэканструяваць пад іх краму частку паркінга на другім паверсе. Магчыма, да канца года нам удасца дасягнуць пагаднення — распавялі прадстаўнікі забудоўшчыка «ГалоўІндустрыяБуд».

Дарэчы, пра другі паверх. Акрамя бясплатнага паркінга на 640 машынамесцаў, там абсталююць зялёную зону адпачынку. Цяпер на даху высаджаны газон, хутка павінны з'явіцца альтанкі, лаўкі і дзіцячы «гарадок».

Вось так гэта будзе выглядаць на фінальнай стадыі.

У гандлёвым цэнтры прадугледжана некалькі кропак з печывам, кавай і гарбатай. У хуткім часе тут адкрыецца кавярня «Журавы», Tab Kebab. Вядуцца перамовы і з іншымі рэстаранамі — напрыклад, Sushi House, KFC, Mcdonald's. У Green Time ўжо арганізаваная невялікая зона фуд-корта з канапамі і барнымі стойкамі.

Значную плошчу ГЗЦ займае сам прадуктовы гіпермаркет Green — каля 3700 «квадратаў». Яго памеры (адпаведна, і асартымент) можна ацаніць па колькасці кас: 17 звычайных і яшчэ 6 самаабслугоўвання. Працаваць ён будзе з 8:00 да 23:00, а астатнія крамы — з 10:00 да 22:00.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31