Брэсцкія ўлады абверглі чуткі пра халеру ў горадзе
Інфармацыя ў інтэрнэце пра набліжэнне халеры ў Брэсце — фэйк, заявіў у Тэлеграме старшыня Брэсцкага гарвыканкама Аляксандр Рагачук.
Водазабеспячэнне Брэста ажыццяўляецца з 5 водазабораў КВУП «Брэствадаканал» і водазабору «Брэст-Усходні» Баранавіцкай дыстанцыі водазабеспячэння і санітарна-тэхнічных прылад Брэсцкага аддзялення Беларускай чыгункі. Водазаборы знаходзяцца пад аховай, рэгулярна праводзіцца лабараторны кантроль, перад падачай у размеркавальную сетку вада апрацоўваецца на станцыях водападрыхтоўкі.
«Выпадкаў выяўлення патагеннай мікрафлоры ў вадаправоднай вадзе ў Брэсце не зарэгістравана. З 1 чэрвеня па 1 верасня даследаванні вады ў вадаёмах зон адпачынку будуць праводзіцца штотыдзень на мікрабіялагічныя паказчыкі, у тым ліку на ўзбуджальнікаў халеры. Эпідэміялагічная сітуацыя па халеры ў Брэсце спрыяльная, выпадкаў захворвання не зарэгістравана», — паведамляе Рагачук.
Патагенная мікрафлора таксама не выяўленая ў вадаёмах у рэкрэацыйных зонах.
