Расія прыдумала схему, як рэалізоўваць крадзенае ўкраінскае збожжа Турцыі
РФ выкарыстоўвае падробленыя дакументы, каб рэалізоўваць прадукцыю.
Расія прыдумала схему, як рэалізоўваць крадзенае ўкраінскае збожжа Турцыі. Прадукцыю спачатку транспартуюць у парты РФ, а потым вязуць на продаж з падробленымі дакументамі. Гэтай інфармацыяй падзяліўся пасол Украіны ў Турцыі Васіль Боднар у інтэрв'ю парталу «Укрінфарм».
«Збожжа завозяць аўтатранспартам у Севастопаль, адкуль вывозяць караблямі ў расійскія парты, пасля чаго яно ўжо ідзе па падробленых дакументах, як расійскае зерне. Калі б яно заходзіла па дакументах з Севастопаля або Херсона, ніхто б яго не прымаў. Паколькі робяць выгляд, што завозяць з Краснадара або Наварасійска, то для турэцкіх органаў парушэння няма. Гэта стварае небяспечны прэцэдэнт. І мы павінны такія дзеянні РФ спыніць», — заявіў Боднар.
Па словах амбасадара, украінскі бок фіксуе і дакументуе кожны выпарак крадзяжу збожжа. Кіеў ужо адправіў Анкары пералік суднаў, якія выкарыстоўваюцца Расіяй і трэцімі асобамі для нелегальнага экспарту скрадзенай прадукцыі, у тым ліку ў турэцкія парты. Анкара паабяцала прыняць гэта пад увагу і разабрацца ў сітуацыі.
