У Канадзе могуць пачаць друкаваць папярэджанне аб шкодзе курэння на кожнай асобнай цыгарэце
Кабінет міністраў патлумачыў, што ранейшыя спосабы папярэджання састарэлі для 13% людзей, якія кураць у Канадзе, таму прапанаваў абнавіць паведамленні і малюнкі на тытунёвых вырабах, каб абараніць здароўе грамадзян.
Ініцыятыва прадугледжвае, што вытворцы будуць друкаваць пісьмовыя папярэджанні на асобных цыгарэтах, цыгарах з фільтрам і цыгарэтных трубках (скручанай паперы без змесціва).
Аўтары прапановы чакаюць, што новая маркіроўка будзе гарантаваць, што паведамленне аб шкодзе для здароўя дойдзе да людзей, якія кураць у кампаніі толькі па адной цыгарэце, як часта робяць маладыя людзі.
Акрамя таго, канадскі ўрад запланаваў абнавіць цяперашнюю форму папярэджанняў. Аўтары хочуць пашырыць спіс негатыўных наступстваў для здароўя, пра якія нагадваецца, і ўключыць у яго такія хваробы, як рак страўніка, каларэктальны рак, дыябет, захворванні перыферычных сасудаў і рак шыйкі маткі.
На думку распрацоўшчыкаў ідэі, такія змены прадухіляць доўгатэрміновую залежнасць ад тытуню, скароцяць смяротнасць і колькасць пацыентаў з хваробамі, якія выклікала спажыванне тытуню, а таксама знізяць нагрузку на канадскую сістэму аховы здароўя.
