Wildberries пачаў прадаваць вопратку і аксесуары брэнда Zara
Анлайн-рытэйлер Wildberries пачаў прадаваць вопратку і аксесуары брэнда Zara, які сышоў з Расіі. Раней на Wildberries зʼявіліся ў продажы рэчы марак Massimo Dutti і Pull&Bear, якія, як і Zara, уваходзяць у канцэрн Inditex.
Расійскія крамы брэндаў, якія ўваходзяць у Inditex, зачыніліся неўзабаве пасля пачатку ўварвання РФ ва Украіну.
У Беларусі ж гандлёвыя кропкі з прадукцыяй многіх брэндаў працягвалі дзейнічаць.
Захаванне брэндаў абумоўленае тым, што значная частка міжнародных кампаній, прадстаўленых у Беларусі, працуе не наўпрост, а праз франчайзінгавыя і эксклюзіўныя дагаворы з беларускімі кампаніямі і іх партнёрамі з іншых краін.
Напрыклад, Fashion House прадае ў Беларусі адзенне Mango, Womenʼsecret, Orsay, Jack&Jones. «Тытунь-Інвест» — Tommy Hilfiger, Calvin Klein, Karl Lagerfeld. Уладальнікам франшызы Mcdonaldʼs у Беларусі з'яўляецца бізнэсовец з Казахстана Кайрат Баранбаеў.
