Знайсці
19.06.2022 / 09:36РусŁacБел

Рэцэпт на выхадныя. Пячэнне з шакаладам — лёгкі і смачны хатні дэсерт

Гэтае пячэнне смачнае з белым шакаладам. Але яго можна гатаваць і з любым іншым шакаладам.

Фота: BBC Food

Каб згатаваць пячэнне з белым шакаладам, вам спатрэбіцца:

  • 130 грамаў масла,
  • 150 грамаў цукровай пудры,
  • 100 грамаў цукру, лепш карычневага,
  • 1 чайная лыжка ванільнага экстракту,
  • 1 вялікае яйка + 1 яечны жаўток,
  • 275 грамаў мукі,
  • 1 чайная лыжка разрыхляльніка,
  • палова чайнай лыжкі харчовай соды,
  • палова чайнай лыжкі солі (лепей браць дробную соль),
  • 220 грамаў дробна нарэзанага шакаладу.
  1. Вазьміце масла (каб цёплае было, мяккае), цукар і ваніль і з дапамогай міксера ці іншым спосабам ўзбівайце іх разам 3—4 хвіліны, пакуль сумесь не пасвятлее і не стане па кансістэнцыі як узбітыя вяршкі. Дадайце яйка і жаўток і ўзбівайце сумесь яшчэ хвіліну, пакуль яна не стане аднароднай. Дадайце муку, разрыхляльнік, соду і соль. Змешвайце сумесь на нізкай хуткасці да аднароднага стану, потым дадайце ў яе белы шакалад і зноў усё асцярожна перамяшайце.
  2. Засцяліце вялікую бляху паперай для выпякання. З дапамогай звычайнай лыжкі ці лыжкі для марожанага падзяліце цеста на 14 шарыкаў і выкладзіце іх на бляху. Пакіньце цеста ў халадзільніку на 3 гадзіны ці, у ідэале, на нач. Калі вельмі спяшацца, можна паставіць цеста ў маразільную камеру на 15 хвілін, але такі варыянт горшы.
  3. Разагрэйце духоўку да 180 градусаў. Выпякайце печыва партыямі па 5—6 штук і пакідайце паміж пячэннем на блясе дастаткова месца, бо яно пры выпяканні павялічваецца ў памерах. Выпякайце печыва па 12—14 хвілін, пакуль краі печыва не стануць цвердымі, сярэдзіна пры гэтым хай застаецца крыху мяккай, бо печыва зацвярдзее пасля прыгатавання. Перад падачай печыва трэба трохі астудзіць.

Рыба-фіш, гусіныя шыйкі і пірожныя вожыкі: Міхля Сінаеўна і яе кухня

Самы небяспечны сыр у свеце, унутры якога звіваюцца жывыя лічынкі: вось дзе яго знайсці

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера