Знайсці
15.06.2022 / 18:14

Асудзілі брата былога падпалкоўніка ГУБАЗіКа Лупаносава

17 жніўня 2021-га сілавікі затрымалі Міхаіла Лупаносава, брата былога падпалкоўніка ГУБАЗіКа Станіслава Лупаносава, які выехаў з Беларусі, асудзіўшы дзеянні былых калег. Міхаіл быў дырэктарам будаўнічай фірмы. У СІЗА яго прымушалі пад камеру асуджаць дзеянні брата і перадаваць заклікі «адумацца» ад былых калег. 8 чэрвеня яму вынеслі прысуд. 

Па частцы 2 артыкула 216 «Нанясенне маёмаснай шкоды без прыкмет крадзяжу» Міхаілу Лупаносаву прысудзілі 2,5 года хіміі, як і запытаў пракурор. 

Справу разглядалі ў судзе Маскоўскага раёна Мінска, суддзя — Сяргей Кацар. 

Міхаіл Лупаносаў

Мужчыну адпусцілі ў зале суда. Абскарджваць прысуд ён не будзе. 

Першапачаткова Міхаілу інкрымінавалі яшчэ два артыкулы — ч.ч. 1 і 2 арт. 380 (выкарыстанне несапраўднага дакумента, учыненае паўторна), а таксама ч. 1 арт. 427 (унясенне адказнай асобай загадзя несапраўдных даных у афіцыйныя дакументы, падробка дакументаў, учыненая з карысці ці іншай асабістай зацікаўленасці). 

Але гэтыя абвінавачванні ў працэсе адваліліся. 

Маскоўскі аддзел СК Мінска раней агучваў, у чым яны падазраюць Міхаіла. Ён нібыта атрымліваў ліцэнзію на будаўніцтва, не маючы супрацоўнікаў патрэбнай катэгорыі, а таму, як сцвярджаецца, сам унёс у працоўныя кніжкі пяці асоб несапраўдныя запісы аб ранейшых месцах працы. 

Яшчэ адзін эпізод, які ставіўся ў віну брату Лупаносава, гучыць так: заключыў дамову з адной фірмай і субпадрадчыкам на правядзенне […] работ, праз некалькі месяцаў прапанаваў заказчыку змяніць умовы аплаты і пералічваць аплату за выкананыя работы ад замоўцы адразу на рахунак субпадрадчыка, дзе Лупаносаў таксама быў намеснікам дырэктара. 

«Такім чынам, на падставе акта здачы-прыёмкі выкананых работ, якія фактычна не адбываліся, замоўцам пералічаныя за некалькі этапаў 45 тысяч беларускіх рублёў. У наступным указаныя сродкі расходаваліся ў інтарэсах таварыства, дырэктарам якога з'яўляўся фігурант», — паведамляў СК.

Чытайце таксама: Следчы камітэт расказаў, за што кашмарыць брата Лупаносава

Чытайце таксама: Афіцэр ГУБАЗіКа, які перадаваў інфармацыю руху за свабодныя выбары, даў першае інтэрв'ю: Хай думаюць, што я адзін такі, хай супакойваюць сябе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30