Макрон, Шольц і Драгі прыбылі ва Украіну цягніком ФОТА
Прэм'ер-міністр Італіі Марыа Драгі, прэзідэнт Францыі Эмануэль Макрон і канцлер Германіі Олаф Шольц сёння наведаюць Кіеў, паведамляе Reppublica, публікуючы фота лідараў трох краін.
Фота: repubblica.it
Фатаграфію таксама публікуе La Repubblica, называючы здымак гістарычным.
Палітыкі меркавана прыбылі ў Кіеў з Варшавы ўкраінскім дыпламатычным цягніком. Пра тое, што Драгі, Макрон і Шольц плануюць здзейсніць візіт у Кіеў, са спасылкай на крыніцы ва ўкраінскіх і французскіх урадавых колах паведаміла раней нямецкая газета Bild am Sonntag.
Ніякай афіцыйнай інфармацыі аб гэтай паездцы па меркаваннях бяспекі не распаўсюджвалася.
Макрон у апошнія дні наведаў двух суседзяў Украіны — Румынію і Малдову. Выступаючы ў сераду ў Румыніі пасля сустрэчы з дыслакаванымі там французскімі войскамі, Макрон сказаў, што Еўрапейскі саюз павінен паслаць выразныя палітычныя сігналы Украіне і ўкраінскаму народу, які гераічна супраціўляецца ўжо некалькі месяцаў.
Тры еўрапейскія лідары павінны сустрэцца з прэзідэнтам Украіны Уладзімірам Зяленскім. Гэта першы візіт лідараў гэтых краін пасля лютаўскага ўварвання Расіі ва Украіну.
