КДБ прызнаў ютуб-канал Вадзіма Пракопʼева і яго тэлеграм-канал «Радыё Гаага» экстрэмісцкім фармаваннем
КДБ прызнаў экстрэмісцкім фармаваннем ютуб-канал «Вадзім Пракоп'еў» і тэлеграм-канал «Радыё Гаага». Інфармацыя пра гэта зʼявілася ў абноўленым спісе тых, хто мае дачыненне да экстрэмісцкай дзейнасці, звярнула ўвагу «Медыязона».
Усяго на ютуб-канал палітыка падпісаныя каля 95 тысяч чалавек, а ў тэлеграм-канала «Радыё Гаага» каля 2,3 тысячы падпісчыкаў.
8 лютага ютуб— і тэлеграм-канал Пракопʼева ўжо прызналі экстрэмісцкімі матэрыяламі.
На пачатку сакавіка Вадзім Пракоп'еў у сваім тэлеграм-канале «Радыё Гаага» абʼявіў аб наборы трохсот беларусаў у добраахвотніцкі батальён для вайны на баку Украіны і ўказаў спецыяльны бот для сувязі.
Створаны ім полк «Пагоня» уваходзіць у склад Інтэрнацыянальнага легіёна.
Першая група байцоў беларускага палка «Пагоня» падпісала кантракты з Сіламі спецыяльных аперацый Украіны.