Зяленскі паразмаўляў з Орбанам і запрасіў яго ва Украіну
Публічна адносіны паміж Зяленскім і Орбанам заставаліся напружанымі з-за пазіцыі Венгрыі ў дачыненні да санкцый супраць Расіі.
Пра тэлефонную размову з прэм’ер-міністрам Венгрыі напісаў Уладзімір Зяленскі ў Твітары:
«Правеў плённую размову з прэм'ер-міністрам Венгрыі Віктарам Орбанам. Падзякаваў за падтрымку суверэнітэту Украіны і прыстанішча для ўкраінцаў падчас вайны. Дамовіліся развіваць супрацоўніцтва ў сферы энергетыкі. Дзякуй за падтрымку статусу кандыдата [на ўступленне ў ЕС]. Запрасіў наведаць Украіну з візітам», — гаворыцца ў паведамленні.
Публічна адносіны паміж Зяленскім і Орбанам заставаліся напружанымі з-за пазіцыі Венгрыі ў дачыненні да санкцый супраць Расіі. Тым не менш Венгрыя падтрымала шосты пакет санкцый супраць Расіі і заявіла аб падтрымцы прадастаўлення Украіне статусу кандыдата на членства ў ЕС.
