Знайсці
21.06.2022 / 17:16

«Мы чакаем кожнага». Што цяпер з таямнічай «брыгадай Касцюшкі»?

У красавіку зніадкуль з’явілася «брыгада Касцюшкі»: ананімы ў камуфляжы заклікалі пісаць ім у бот і далучацца да абароны Украіны. Прайшло амаль тры месяцы. Дзе сёння тыя «байцы»? 

«Брыгада Тадэвуша Касцюшкі» выклікала шмат пытанняў адразу пасля з’яўлення. Аўдыторыя іх канала складалася з ботаў, ва Украіне ніхто пра іх не ведаў. Пры спробе звязацца чалавек атрымліваў ад «брыгады» вельмі дзіўныя даручэнні.

Чытайце: Людзі паспрабавалі запісацца ў «брыгаду Касцюшкі». І вось што атрымалася

Праз некалькі месяцаў ад «брыгады» звестак няма. Другі — і ён жа апошні — пост у іх канале з’явіўся 8 красавіка.

Мы паспрабавалі звязацца з імі праз бот. Раней «касцюшкаўцы» адказвалі ў працоўны час (пасля шасці вечара камунікацыя, як правіла, спынялася). Але прайшоў амаль тыдзень — ніхто так і не адгукнуўся.

Хто тыя «ваяры»? Дзе яны сёння? Можа, на самай справе «касцюшкаўцы» ўжо далучыліся да баявых дзеянняў? 

«Тут няма што каментаваць, звычайная кдбшна-губазаўская правакацыя», — падзяліўся меркаваннем Сяргей Бяспалаў, баец палка Каліноўскага.

Натуральна, што ніякіх звестак пра «брыгаду Касцюшкі» ён з паплечнікамі не чуў і лічыць гэта няўдалай спробай правакацыі з боку беларускіх сілавікоў.

«Дык яны яшчэ і ў беларускіх камуфляжах [былі на відэа], ні ў каго няма ўкраінскага пікселя ці мульцітэка. Вельмі неразумная правакацыя атрымалася, чаго яны чакалі? Незразумела», — дадаў Бяспалаў.

Прадстаўнік «Байпола» Аляксандр Азараў таксама прытрымліваецца версіі, што гэта праца КДБ.

У інтэрнэце зніадкуль з'явілася «Брыгада Касцюшкі». Асцярожна, гэта можа быць правакацыя

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30