Знайсці
24.06.2022 / 17:49РусŁacБел

Валерый Кавалеўскі расказаў падрабязнасці таго, як вырашылася справа Анісіі Казлюк

Прадстаўнік Святланы Ціханоўскай у Кіеве Валерый Кавалеўскі расказаў пра тое, якім чынам удалося вырашыць сённяшні інцыдэнт з затрыманнем у Кіеве правабаронцы Анісіі Казлюк. Гісторыя, па яго словах, прыкрая і непрыемная, але можа стаць важным прэцэдэнтам для таго, каб не дапусціць падобных сітуацый з беларусамі ў будучыні. 

Анісія Казлюк

Адразу ж пасля таго, як даведаўся пра сітуацыю, Валерый Кавалеўскі звярнуўся ў МУС, ДМС і да старшыні камітэта па правах чалавека Вярхоўнай Рады Дзмітрыя Лубянца. Той запэўніў, што Анісію ніхто высылаць з Украіны не будзе, штамп у пашпарт не паставяць, аформяць адміністрацыйны пратакол і сімвалічны штраф. Так і атрымалася.

Цяпер для Анісіі Казлюк будзе адкрытая працэдура для аднаўлення яе легальнага статусу ва Украіне. Гэта ж будзе зроблена і для ўсіх іншых беларусаў Украіны.

Валерый Кавалеўскі ўвесь гэты час быў на сувязі з Анісіяй. Ён давёў да яе алгарытм вырашэння праблемы. Гэта дапамагло разабрацца з сітуацыяй у пастарунку, бо з Анісіяй размаўлялі не вельмі карэктна. Цяпер беларуску адпусцілі.

Гісторыя прыкрая і непрыемная, але можа стаць важным прэцэдэнтам для таго, каб не дапусціць падобных сітуацый з беларусамі ў будучыні, сцвярджае Валерый Кавалеўскі.

Чытайце таксама:

У Кіеве затрымалі беларускую праваабаронцу Анісію Казлюк. Чым скончылася гісторыя? 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера