Выйшлі на волю палітвязні Уладзімір Колас і Максім Шырынскі. Яны цалкам адбылі тэрміны
Выйшлі на волю два палітвязні — Уладзімір Колас і Максім Шырынскі, паведамляе «Вясна». Уладзімір Колас быў асуджаны на 1 год і 6 месяцаў абмежавання волі з накіраваннем у папраўчую ўстанову адкрытага тыпу за абразу Лукашэнкі (арт. 368 КК). А Максім Шырынскі адбываў адзін год «хіміі» па крымінальнай справе аб абразе прадстаўніка ўлады (арт. 369 КК).
Максім Шырынскі і Уладзімір Колас
Коласа затрымалі 3 красавіка 2021 года, спачатку змясцілі ў ІЧУ, а затым этапавалі да месца адбыцця пакарання. З 14 красавіка ён знаходзіўся ў папраўчай установе №46. Але нядаўна ў судзе Круглянскага раёна палітзняволенаму ўзмацнілі рэжым за «парушэнне правілаў унутранага распарадку ва ўстанове» і перавялі ў магілёўскую турму №4.
Жыхар Наваградка Максім Шырынскі з чэрвеня 2021 года знаходзіўся ў папраўчай установе № 21 у Мазыры.
