Знайсці
30.06.2022 / 16:06РусŁacБел

Тэрмін адключэння гарачай вады ў Мінску могуць скараціць да 10 дзён

У Беларусі імкнуцца да канца цяперашняй пяцігодкі скараціць тэрміны планавага адключэння гарачай вады да 10 дзён. Пра гэта падчас сустрэчы з калектывам «Мінскзелянбуда» паведаміў міністр жыллёва-камунальнай гаспадаркі Андрэй Хмель, паведамляюць Мінск-навіны.

Фота: pixabay.com

Ён нагадаў, што раней тэрміны планавага адключэння гарачай вады ў краіне складалі тры тыдні, з часам гэты перыяд скараціўся да 14 дзён, у апошнія гады ён складае 13 дзён.

— Упэўнены, што за кошт укаранення новых метадаў і тэхналогій пры абслугоўванні цепласетак да канца пяцігодкі зможам выйсці на тэрмін адключэння ў 10 дзён. Такая задача стаіць. Цалкам сысці ад планавых адключэнняў не атрымаецца, паколькі цепласеткі павінны праходзіць выпрабаванні для іх падрыхтоўкі да надзейнай працы ў ацяпляльны перыяд, — сказаў А. Хмель.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера