У Венесуэлу з перасадкай на Кубе. Беларусам паабяцалі новыя курорты
Нацыянальны аэрапорт Мінск абмяркоўвае адкрыццё пасажырскіх рэйсаў з іранскімі, в'етнамскімі і венесуэльскімі авіякампаніямі. Пра гэта расказаў генеральны дырэктар прадпрыемства Вячаслаў Харанека.
Так, вядуцца «перспектыўныя перамовы» з іранскім перавозчыкам Mahan Air і адной з авіякампаній В'етнама, якая зацікаўленая ў арганізацыі чартарных рэйсаў з беларускай сталіцы да сваіх курортаў.
Харанека таксама нагадаў, што зімой прадпрыемства абмеркавала з партнёрамі з Венесуэлы адкрыццё грузавых і пасажырскіх рэйсаў.
— Прычым прапрацоўваецца варыянт выканання пасажырскага рэйса з Мінска ў Венесуэлу з прамежкавай пасадкай на Кубе. Такі рэйс мог бы павялічыць турыстычны патэнцыял, звязаўшы Беларусь з краінамі Лацінскай Амерыкі, — удакладніў Харанека.
