Знайсці
04.07.2022 / 16:21РусŁacБел

«Хрэнін ужо наляпляе на карту «Точку-У». BYPOL патлумачыў, чаму ракетныя ўдары Украіны па Беларусі — хлусня

2 ліпеня на ўрачыстым сходзе з нагоды Дня Незалежнасці Лукашэнка заявіў пра тое, што УСУ нанеслі ўдар па ваенных аб'ектах на тэрыторыі Беларусі. Нібыта атака была адбітая: усе ракеты перахопленыя супрацьпаветранымі комплексамі «Панцыр». BYPOL тлумачыць, што ў гэтым расповедзе не сыходзіцца.

У цяперашні час ва Украіне сродкам, здольным абстраляць аб'екты ў Беларусі і пры гэтым не быць знішчаным, з'яўляецца аператыўна-тактычны ракетны комплекс «Точка-У», распавядае BYPOL.

«Пакінем у спакоі наяўнасць логікі ў паводзінах, што прыпісваюцца Украіне. Яе проста няма. Разгледзім прызначэнне і характарыстыкі зенітнага ракетна-гарматнага комплексу (ЗРГК) «Панцыр-С1».

Па-першае, гэты комплекс з'яўляецца сродкам блізкага дзеяння і працуе на малых і гранічна малых вышынях. Ён не прызначаны для «працы» па цэлях з балістычнай траекторыяй палёту такіх, як ракета комплексу «Точка-У».

Па-другое, ЗРГК «Панцыр-С1» працуе па цэлях, хуткасць якіх не большая за 1000 м/с. Хуткасць жа палёту ракеты комплексу «Точка-У» пераўзыходзіць гэты паказчык і складае 1100 м/с.

Па-трэцяе, далёкасць дзеяння «Панцыра-С1» па паветраных цэлях складае 20 км ракетамі і ўсяго толькі 4 кіламетры гарматным узбраеннем.

Комплекс «Панцыр-С1» выстаўляецца непасрэдна паблізу аб'екта, які ён ахоўвае. Эфектыўная плошча рассейвання ракет «Точка-У» ў дзесяць разоў меншая за плошчу рассейвання стандартных для «Панцыр-С1» цэляў, а гэта значыць, далёкасць дзеяння комплексу для такой цэлі будзе значна меншай, чым заяўлена.

То-бок «Панцыр» наўрад ці б адолеў задачу. Але і гэта не ўсё. 

Што азначае, што ракета была перахопленая? «Перахапіць» азначае прымусіць здэтанаваць яе баявую частку высока ў паветры. Асноўны тып баявой часткі ракеты «Точка-У» — аскепкава-фугасны. У ёй 162 кг сумесі гексагену і трацілу і 14500 паражальных элементаў.

То-бок, многія людзі павінны былі бачыць, а яшчэ большая колькасць чуць падрыў 162 кг трацілу ў паветры на дзясяткі кіламетраў вакол. Рэшткі ракет павінны былі разляцецца па шырокай плошчы, зваліцца на падворкі і гаспадаркі, іншыя месцы.

Аднак не было ніякіх звестак аб паветраных выбухах. Няма відэа, няма аскепкаў і частак ракет. 

Байполаўцы пішуць, што не сумняваюцца, што «выканаўцы трызнення дыктатара схапіліся за галовы падчас гэтага спічу і ў цяперашні час актыўна ўзяліся за стварэнне «доказаў» і ўжо ўпотай разбіраюць ракету комплексу «Точка-У» у 465 ракетнай брыгадзе (Асіповічы) або на арсенале, а грамадзянін Хрэнін займаецца аплікацыяй — наляпляе на карту выявы комплексу «Точка-У» з паднятымі ў баявое становішча ракетамі».

«Тое, што Лукашэнка адкрыта хлусіць, гэта ўжо і так усім даўно ясна! Пытанне цяпер у адным! Навошта ён гэта робіць!?» — задаюцца пытаннем байполаўцы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031