Мінздароўя ўпершыню за доўгі час апублікавала статыстыку па кавідзе
Звесткі не публікаваліся з мая, калі інфармацыя падавалася штодзённа.
Тады ведамства паведамляла, што статыстыка будзе публікавацца раз на месяц.
З пачатку мая ў краіне стабілізавалася сітуацыя па захворванні на COVID-19. Як і меркавалі інфекцыяністы і эпідэміёлагі, зніжэнню колькасці пацыентаў паспрыяла, у тым ліку, актыўная вакцынацыя і рэвакцынацыя дарослага і дзіцячага (з 12-ці гадоў) насельніцтва.
Цяпер Мінздароўя дае агульныя лічбы. З пачатку пандэміі зарэгістраваныя 994 тысяч 037 чалавек са станоўчым тэстам на COVID-19. Па стане на 1 ліпеня выздаравелі 985592 чалавекі. Памерлі 7118 чалавек.
Усяго ў краіне праведзены 13 млн. 646 тыс. 641 тэст.
Мінздароўя дадае, што, магчыма, да восені інфекцыя COVID-19 на тэрыторыі Рэспублікі Беларусь пяройдзе ў непандэмічную, сезонную фазу. Гэта азначае, што захворванне COVID-19 будзе рэгістравацца, як ВРВІ і грып — восенню і зімой.
