Знайсці
05.07.2022 / 21:08 2

Беларускія дзяржаўныя СМІ называюць Славянск «акупаваным Украінай», а Лісічанск і Херсон — вызваленымі

Беларуская дзяржаўная прапаганда стала прыдаткам расійскай. Лукашэнкаўскія медыя слова ў слова паўтараюць крамлёўскія наратывы. 

Разбураны мост між Севераданецкам і Лісічанскам у Луганскай вобласці. Фота Міністэрства абароны Украіны

Раней беларускія прапагандысты мінімізавалі выкарыстанне назваў «Луганская народная рэспубліка» і «Данецкая народная рэспубліка». Да 2022 года Беларусь фармальна была перамоўнай пляцоўкай.

Цяпер жа сітуацыя абсалютна іншая. Хаця афіцыйна беларуская дзяржава не прызнавала «незалежнасці» гэтых акупаваных Расіяй украінскіх тэрыторый, прапаганда рэжыму Лукашэнкі занялася рэтрансляцыяй расійскай ваеннай прапаганды. І ў карціне свету гэтай прапаганды «ДНР» і «ЛНР» з’яўляюцца незалежнымі дзяржавамі. Прычым не ў межах на 24 лютага 2022 года, а ў адміністрацыйных межах Данецкай і Луганскай абласцей Украіны. 

Акупацыю расіянамі гарадоў і мястэчак Луганскай і Данецкай абласцей прапаганда рэжыму адназначна называе «вызваленнем». У той час як падкантрольныя Украіне раёны Данецкай вобласці (на якія прэтэндуе Расія) беларускія прапагандысты пачалі называць «акупаванымі Украінай». 

«У 14 раёнах пакуль падкантрольнай Кіеву часткі ДНР Уладзімір Зяленскі падпісаў указ аб стварэнні «ваенных адміністрацый» населеных пунктаў», — паведамляюць беларускія прапагандысты, спасылаючыся на РИА Новости.

«Узброеныя сілы Украіны могуць паспрабаваць вярнуць пад кантроль тэрыторыі Луганскай Народнай Рэспублікі пасля ўзяцця саюзнымі войскамі Лісічанска, аднак ім не дазволяць гэта зрабіць. Пра гэта распавёў кіраўнік ЛНР Леанід Пасечнік», — іншы прыклад паведамлення беларускай прапаганды.

Прапагандысты не прызнаюць законных украінскіх органаў улады на тэрыторыі Данецкай вобласці Украіны. Данецкую абласную дзяржаўную адміністрацыю беларуская прапаганда называе «так званай».

У занятыя расійскімі войскамі раёны Украіны прыязджалі дэлегацыі дзяржаўных прапагандыстаў, сярод якіх былі Рыгор Азаронак, Алег Гайдукевіч і Аляксей Талай.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
8
Ха-ха
1
Ого
3
Сумна
Абуральна
34
1
Замшэлы / адказаць
05.07.2022
Прабачце, але, цяперашнія мэты лукашэнкі на 100% супадаюць з мэтамі Пушыліна.
Яны знаходзяцца ў адной вагавой катэгорыі, з кропкі гледжаньня палітыкі і геапалітыкі,
унутраную палітыку ў Беларусі не чапаем, яе, унутранай палітыкі, у Беларусі, няма з 9 жніўня 2020 года. І Пушылін, і нелегетымный лукашэнка знаходзяцца ў 100 адсоткавай залежнасьці ад пуціна і знаходзяцца ў аднолькавай ідэалагічнай скрэпе, таму ТБ лугандоніі нічым не адрозьніваецца ад ТБ лукашэнкі (сацыяльнага пакета), таму і праца прапагандонаў аднолькавая.
 лукашэнка - расейскі чорансоценец пастаўлены Крамлём у Беларусі, адрозненьне, ад Пушыліна, крымскага гобліна і расейскіх чорнасотенцаў у Расеі, толькі адно, лукашэнка - самы дарагі і самы стратны чорнасотенец для Расеі. лукашэнка, 28 год, прадае, крамлёўскім, задорага, знішчэньне Беларусі і Беларускага ў ей і лукашэнку гэта задавальняла, ён думаў, што гэтак, гандлярыць, будзе да свайго скону і гэты гандаль перадаць па спадчыне колю, але, нешта пайшло не так. Ніхто не думаў, што пуцін распачне
вайну на знішчэньне Ўкраіны і ўкраінцаў.
 Такая праца прапагандыстаў лукашэнкі гаворыць толькі аб адным - ён згодны, на канчатковае знішчэньне Беларусі і беларускога ў ей, узамен на дазвол працягненьня сямейнага бізнеса, сямейнага схематоза і іншай камерцыі пад сваім кантролем на гэтых тэрыторыях, якія, пакуль, завуцца беларускімі.
0
Р С / адказаць
06.07.2022
Няма ніякіх "беларускіх дзяржаўных" СМІ. Ёсць толькі антыбеларуская філія рашы тудэй.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31