Знайсці
05.07.2022 / 16:076РусŁacБел

Эксперт: Украінскія беспілотнікі хутка могуць стаць бескарыснымі, а вось расіяне нарошчваюць сваю перавагу

У першыя дні вайны ва Украіне беспілотнікі паказалі сябе як нечаканую перавагу над расійскімі войскамі. Але цуд-зброя Украіны становіцца ўсе менш эфектыўнай. Ваенны эксперт тлумачыць, чаму так адбываецца.

Украінскі Байрактар падчас вайсковага параду ў Кіеве. 20 жніўня 2021 года. Фота: Associated Press

Беспілотная авіяцыя Украіны, ад невялікіх спажывецкіх дронаў, якія звычайна выкарыстоўваюцца для назірання, да знакамітых турэцкіх беспілотнікаў Bayraktar TB2, заслужыла назву «знішчальнікаў пуцінскіх танкаў».

Аднак Расія засвоіла ўрокі з таго прыніжэння, якое ёй нанеслі беспілотнікі ў першыя месяцы ўварвання. У гутарцы з Insider эксперты ацанілі, што яны сталі менш эфектыўнымі. Расія ўдасканаліла сваю абарону і можа збіваць і глушыць усё больш і больш украінскіх беспілотнікаў.

Расійская абарона арганізаваная лепш

— Радыёэлектронная і супрацьпаветраная абарона Расіі цяпер арганізаваная і абсталяваная лепш, чым у першыя месяцы вайны, — кажа Самуэль Бендэт, аналітык і эксперт па беспілотных і рабатызаваных ваенных сістэмаў з Цэнтра ваенна-марскога аналізу.

Расійскія сілы выкарыстоўваюць радары ранняга папярэджання для ідэнтыфікацыі беспілотнікаў і сістэмы радыёэлектроннай барацьбы для глушэння і парушэнні іх сувязі.

Каб збіваць беспілотнікі, яны таксама выкарыстоўваюць розныя віды зброі, такія як кулямёты і сістэмы супрацьпаветранай абароны, напрыклад, ракетны комплекс «Тор».

Нядаўнія кадры Міністэрства абароны Расіі паказваюць сістэму радыёэлектроннай аховы «Красуха-С4» у дзеянні. На кадрах відаць збіты ўкраінскі беспілотнік. Расія палепшыла структуру і разгортванне наземнай супрацьпаветранай абароны ў рэгіёне Данбаса, куды змясціўся фокус вайны.

Цяпер украінскія войскі абмяжоўваюць выкарыстанне беспілотнікаў, бо расійскім войскам лягчэй іх стрымліваць, а страта беспілотнікаў можа каштаваць вельмі дорага.

Калі аднаразовыя дроны, як Switchblade і Phoenix Ghost, каштуюць некалькі тысяч долараў за штуку, то Байрактары могуць каштаваць ад аднаго да двух мільёнаў.

Расія збівае ўкраінскія беспілотнікі

З пачатку расійскага ўварвання Украіна атрымала блізу 50 беспілотнікаў TB2 ад турэцкай кампаніі Baykar. Вельмі эфектыўныя ў першыя дні вайны, TB2 сталі збівацца Расіяй, і ўкраінская армія цяпер абмяжоўвае іх выкарыстанне.

Нядаўна стала вядома, што ЗША плануюць прадаць Украіне ўзброеныя беспілотнікі MQ-1C Gray Eagle вытворчасці General Atomics. Мяркуецца, што яны валодаюць большымі магчымасцямі, чым Байрактары.

Але два неназваныя пілоты ўкраінскіх ВПС паведамілі выданню The War Zone, што яны не падтрымліваюць перадачу беспілотнікаў з-за іх высокага кошту (10 мільёнаў долараў за штуку). Яны таксама чакаюць, што апараты будуць збітыя падчас іх першай місіі.

Па словах Марка Кансіана, эксперта Цэнтра стратэгічных і міжнародных даследаванняў, ракеты сярэдняй далёкасці і беспілотнікі асабліва ўразлівыя, бо лётаюць нізка і павольна.

— Украінскія пілоты, з якімі я размаўляў, кажуць, што па гэтай прычыне роля беспілотнікаў абмежаваная, сказаў ён.

Замест гэтага ўкраінскія войскі просяць сучасныя знішчальнікі ў заходніх саюзнікаў.

У той час як украінскія беспілотнікі становяцца ўсё менш эфектыўнымі, Расія выкарыстоўвае столькі ж, калі не больш, уласных беспілотнікаў, асабліва ў выведніцкіх мэтах, назіранні і рэкагнасцыроўцы, кажа эксперт Бендэт.

Ва ўкраінцаў няма зброі, каб збіць іх.

— Мы не можам бачыць расійскія беспілотнікі, але яны могуць бачыць нас. Усё, што мы можам зрабіць — гэта схавацца, — казаў адзін з абаронцаў Украіны газеце «The Sunday Times».

«Яны спрабуюць завабіць украінцаў у пастку»

Бендэт мяркуе, што цягам наступных некалькіх тыдняў расійскія вайскоўцы паспрабуюць лепш арганізаваць і працягнуць свой наступ:

«Яны спрабуюць завабіць украінцаў у пастку вакол некаторых гарадоў і пасёлкаў, спрабуюць ціснуць і аслабіць ўкраінскую абарону. Беспілотнікі граюць ключавую ролю ў забеспячэнні рускіх інфармацыяй, назіраннем і выведкай, каб яны маглі наносіць ўдары з зямлі і з паветра.

— Таму мы ўбачым, як роля беспілотнікаў з расійскага боку будзе расці, калі вайна працягнецца ў цяперашнім выглядзе, — лічыць ён.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Максим Дизайнер/адказаць/
07.07.2022
Пціч,

Какие магчымасци?Не привели к власти кандидата от российской "партии" Газпром, за которого голосовало большинство?Падманушыся пафасными казками про превращение колхоза в цивилизацию за пару лет?
0
Пціч/адказаць/
08.07.2022
Максим Дизайнер, хадзі лесам, буду я тут тлумачыць, перавыхоўваць ды цацкацца з кожным сустрэтым рускамірскім пудзілам.
09.07.2022
бесполезны...
ну не скажите. они
очень и очень даже полезны
Сельчуку Байрактару - зятю президента Турции
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031