Знайсці
05.07.2022 / 18:583РусŁacБел

Былая кіраўніца МЗС Аўстрыі, на вяселлі якой гуляў Пуцін, пакінула краіну

Былая міністарка замежных спраў Аўстрыі Карын Кнайсль, вядомая сваёй прарасійскай пазіцыяй і танцам з Пуціным на сваім вяселлі, з'ехала з краіны праз «пагрозу забойствам», піша The Washington Post.

Кнайсль сказала журналісту выдання, што эмігравала з Аўстрыі, таму што атрымлівала «пагрозы забойствам» але адмовілася даваць інтэрв'ю.

У матэрыяле WP не ўдакладняецца, хто менавіта пагражаў Кнайсль і ці вядзецца расследаванне па гэтай справе.

Карын Кнайсль узначальвала аўстрыйскі МЗС з 2017 па 2019 год. Яна — сяброўка крайне правай Партыі свабоды, якая выступае за добрыя адносіны з Расіяй і Пуціным. У 2017 годзе члены гэтай партыі наведвалі акупаваны Расіяй украінскі Крым.

Пасля адстаўкі Кнайсль, як і некаторыя іншыя прарасійскія палітыкі з заходніх краін, атрымала хлебную пасаду пры расійскай карпарацыі. У 2021 годзе яна ўвайшла ў раду дырэктараў «Раснафты». Праўда, пратрымалася на ёй нядоўга, бо ў маі гэтага года мусіла пайсці ў адстаўку пасля таго, як Еўрапарламент стаў пагражаць ёй санкцыямі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
05.07.2022
Я так разумею ў Масковію збегла танцы танчыць?
05.07.2022
Однозначно запахло жареным, но если за ней что и есть везде найдут. Остается россия ну или в Дрозды.
0
Гы-гы/адказаць/
06.07.2022
Ну и да, если поселят в Дрозды, значит Саня уверен в себе, а нет - очкует страшно!))))
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера