Знайсці
07.07.2022 / 10:03РусŁacБел

У Гомелі аднавіўся суд над палітзняволенай журналісткай Ірынай Слаўнікавай 

Пасля двухтыднёвага перапынку ў Гомельскім абласным судзе 6 ліпеня аднавіўся разгляд крымінальнай справы палітзняволенай журналісткі Ірыны Слаўнікавай.

Яе абвінавачваюць у стварэнні экстрэмісцкага фарміравання або ўдзел у ім (ч.1 арт. 361-1 Крымінальнага кодэкса) і арганізацыі і падрыхтоўцы дзеянняў, якія груба парушаюць грамадскі парадак, альбо актыўным у іх удзеле (ч. 1 арт. 342 Крымінальнага кодэкса), паведамляе «Вясна».

Справу разглядае суддзя Мікалай Доля.

Ірыну Слаўнікаву затрымалі 30 кастрычніка 2021 года ў Мінскім аэрапорце, калі яна з мужам Аляксандрам Лойкам вярталася з адпачынку. Да суда Слаўнікаву ўтрымлівалі спачатку ў ЦІП на Акрэсціна, затым ў СІЗА № 1 Мінска, а напачатку чэрвеня 2022 года перавялі ў СІЗА № 3 Гомеля.

Працэс ад самага пачатку праходзіць у закрытым рэжыме, адвакатам не дазваляюць яго каментаваць. Учора ў працэсе ў якасці сведкі быў дапытаны бацька журналісткі.

- Што ж, пытаецца, Вы, такія смелыя, не праведзяце адкрытае пасяджэнне і не пакажаце, у чым нібыта правінілася мая дачка? Гэта па сутнасці. А наконт таго, чаму паседжаньне закрытае — адвакат кажа, што не бачыць ні аднаго законнага падставы для закрытага працэсу, але спробы дамагчыся адкрытага слуханні не прывялі да жаданага выніку, — пракаментаваў рашэнне суда зрабіць працэс закрытым бацька журналісткі.

Ён таксама распавёў, што па словах адваката яго дачкі, у справе няма нават прыкмет злачынства, не кажучы ўжо пра пытанні вінаватасці і даказанасці.

«А абвінавачванне, на яго думку, наогул не мае ніякай сувязі з рэальнасцю і не павінна было прад'яўляцца Іры, а тым больш даходзіць да суда», — дадаў Аляксандр Слаўнікаў.

Следства сцвярджае, што Ірына ў 2020-2021 гадах «аб'яднала групу грамадзян, якія пад яе кіраваннем і кантролем стваралі і размяшчалі экстрэмісцкія матэрыялы» на сайце тэлеканала «Белсат», які, па ініцыятыве саміх жа следчых, быў прызнаны «экстрэмісцкім фарміраваннем». Падкрэслім, што на момант затрымання Ірыны, «Белсат» не быў прызнаны экстрэмісцкім фармаваннем. Пастанова была прынятая толькі ў лістападзе 2021 года — праз некалькі дзён пасля таго, як журналістку змясцілі за краты.

«Акрамя вышэйпаказанага, жанчына і сама прымала актыўны ўдзел у незаконных акцыях. Днём 30 жніўня 2020 года, знаходзячыся ў цэнтральнай частцы Менска, яна разам з іншымі грамадзянамі выходзіла на праезную частку, блакавала рух транспарту і выкрыквала розныя лозунгі», — паведамляе прэс-служба СК.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031