Знайсці
07.07.2022 / 11:18

Палітвязня Дзяніса Граханава, якога ў лютым на «хіміі» затрымаў КДБ, асудзілі па новай крымінальнай справе

У судзе Савецкага раёна Гомеля 5 ліпеня разглядзелі крымінальную справу 44-гадовага палітвязня Дзяніса Граханава, асуджанага раней на паўтара года «хіміі» за надпіс «Не забудзем» каля метро «Пушкінская» ў Мінску. 15 лютага 2022 года Дзяніса затрымаў КДБ наўпрост у папраўчай установе пад Каменцам. Пазней палітвязню прад'явілі абвінавачванне паводле арт. 368 Крымінальнага кодэкса (Абраза Лукашэнкі). Пяць месяцаў да суда яго ўтрымлівалі ў гомельскім СІЗА. Па хадайніцтве пракурора суд амаль адразу зрабілі закрытым. Суддзя Вольга Церахава канчаткова прызначыла Граханаву па сукупнасці прысудаў з улікам раней неадбытага пакарання — адзін год і сем месяцаў зняволення, паведамляе «Вясна».

Дзяніса Граханава супрацоўнікі КДБ затрымалі 15 лютага ў папраўчай установе адкрытага тыпу № 45 пад Каменцам, куды яго накіравалі адбываць тэрмін за нанясенне надпісу «Не забудзем» каля станцыі метро «Пушкінская». Тады ў палітычных «хімікаў» масава прайшлі ператрусы і допыты з нагоды ўдзелу ў тэлеграм-чаце «Волейбол по выходным», які ўлады ўнеслі ў спіс экстрэмісцкіх фармаванняў.

Гэты чат аб’ядноўваў палітвязняў, асуджаных на «хімію».

Пасля затрымання Граханава перавялі ў гомельскі СІЗА-3 і распачалі супраць яго новую крымінальную справу за абразу Лукашэнкі.

Падрабязнасцей з судовага пасяджэння няма, бо суд амаль адразу зрабілі закрытым. Справу разгледзелі менш за дзве гадзіны. Паводле інфармацыі «Гомельскай Вясны», пракурор Булыбенка прасіў суд пакараць Дзяніса адным годам і сямю месяцамі зняволення, але суддзя Церахава прысудзіла паўтара года. Палітвязню канчаткова прызначылі па сукупнасці прысудаў з улікам раней неадбытага пакарання — адзін год і сем месяцаў пазбаўлення волі.

Нагадаем, у судзе Фрунзенскага раёна Мінска 8 снежня 2020 года Дзянісу прысудзілі паўтара года абмежавання волі з накіраваннем у ПУАТ і вызвалілі ў зале суда. Яго прызналі вінаватым паводле ч. 2 арт. 339 Крымінальнага кодэкса «Хуліганства, здзейсненнае групай асобаў» за абнаўленне надпісу «Не забудем!» каля народнага мемарыяла, прысвечанага забітаму пратэстоўцу Аляксандру Тарайкоўскаму.

Падтрымайце Дзяніса бандэролямі, пасылкамі, грашовымі пераводамі і лістамі салідарнасці па адрасе:

СІЗА-3, 246003, г. Гомель, вул. Кніжная, 1А,

Дзянісу Леанідавічу Граханаву.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
1
Ха-ха
Ого
Сумна
Абуральна
5
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31