Знайсці
07.07.2022 / 12:55

Звольнілі выкладчыка фізкультуры Віцебскага медуніверсітэта, які клікаў студэнтак на мора 

На мінулым тыдні студэнткі Віцебскага медуніверсітэта распавялі «Зеркалу» пра дамаганні з боку 69-гадовага выкладчыка фізкультуры. Дзяўчаты скардзіліся на прыставанні і некарэктныя паводзіны педагога.

Пасля выхаду матэрыялу стала вядома, што мужчына больш не будзе працаваць ва ўніверсітэце. Выкладчык працягвае лічыць усё спланаванай акцыяй.

— Ён звольнены, — лаканічна адказалі ў аддзеле кадраў. На сайце ВНУ 69-гадовы выкладчык яшчэ пазначаны ў педскладзе кафедры.

Раней студэнткі, якія звярнуліся ў рэдакцыю, расказалі пра тое, што мужчына працаваў на кафедры медыцынскай рэабілітацыі і фізічнай культуры. Па словах студэнтак, ён дазваляў сабе «прыабдыманні», жарты інтымнага характару, запрашэнні ў кафэ і на лецішча.

Сутыкнулася, напрыклад, з гэтым Марыя. Дзяўчына пісала ў гэтага выкладчыка навуковую працу.

— Першапачаткова я не ведала, што ён за чалавек, — тлумачыла студэнтка. — Калі трэба было нейкія моманты па працы абмяркоўваць, мне трэба было прыходзіць да яго на кафедру. Пачаліся дзіўныя прапановы застацца ў яго на канапе, зрабіць мне масаж.

Працу студэнтка тады здала, але стала баяцца гэтага педагога, аднойчы нават прыходзіла да яго са сваім маладым чалавекам. Паводле яе слоў, пасля гэтага фізрук стаў пісаць, што ёй патрэбны хтосьці «яго ўзроўню», а той хлопец ёй не пара. З наступнага года выкладчык ужо вёў у яе групы фізкультуру.

— Пачаў пісаць ва ўсіх сацсетках, каментаваў мае фота, клікаў на каву ўвечары, пайсці купацца з імі, паехаць на дачу з яго сябрамі на шашлыкі, — працягвае Марыя. — Я нікому не казала. Пыталася неяк у іншай дзяўчынкі, якая таксама пісала ў яго працу, тая сказала, што ўсё ў парадку. І я баялася: раптам такая адна, мне не павераць. Думала, зраблю толькі сабе горш. Мой хлопец нават тэлефанаваў яму, але гэта нічога не дало. Пра заяву ў міліцыю я нават не думала. Старалася пра ўсё забыцца, хацелася хутчэй скончыць ВНУ.

Марыя кажа, што калі ў паведамленнях спрабавала даць адпор педагогу, пачыналіся праблемы са здачай нарматываў, даводзілася пераздаваць.

— Таму на ўсе яго паведамленні я як-небудзь аджартоўвалася. Хоць нават аднагрупніцы заўважалі, як ён да мяне ставіцца. Ужо пазней я даведалася, што з многімі дзяўчатамі такое здаралася, што ён вельмі дзіўны, можа нешта казаць наконт фігуры, знешняга выгляду.

Марыя даслала скрыншоты паведамленняў, якія атрымлівала ад выкладчыка. На іх — паведамленні ў VK ад выкладчыка, а таксама перапіска ў Viber. Нумар, на які зарэгістраваны акаўнт, супадае з мабільным нумарам і фота мужчыны тое ж, што і на скрыншоце.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
6
Ха-ха
4
Ого
1
Сумна
1
Абуральна
5
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31