Знайсці
07.07.2022 / 23:276РусŁacБел

Па БТ паказалі, як Кузнечыкі збеглі з амбасады. Шведскія дыпламаты дзейнічалі крэатыўна. Але пытанні застаюцца

Па БТ паказалі сюжэт пра ўцёкі Кузнечыкаў. Версія прапагандыстаў яшчэ больш неймаверная, чым тая, што расказвалі бацька з сынам.

Скрыншот: відэа БТ

Што паказваюць у сюжэце? У кадры — відэа з камер назірання каля пасольства Швецыі ў Мінску. Паказваюць, як 1 чэрвеня да пасольства прыходзіць жанчына і перадае ахоўніку сінюю сумку з трыма дыванкамі. Той пасля ходзіць з ёй па двары і аддае сумку ў падвал, у якім, як кажуць на БТ, сядзелі Кузнечыкі. Пасля прыходзіць амбасадарка Швецыі Крысціна Юханенсан. Пазней паказваюць, як яна перастаўляе машыну бліжэй да падвала.

«Беласнежка перапаркоўвае машыну», — гучыць голас, які нібыта перадае гэту інфармацыю па рацыі.

Былы намеснік амбасадаркі Рыкардсан некалькі разоў спускаецца ў падвал, пасля робіць нейкія жэсты рукамі. Паказваюць, як Рыкардсан выносіць да машыны вялізны плакат.

«Спартсмен выходзіць з плакатам», — зноў перадае голас па рацыі.

За плакатам — Кузнечыкі. БТ кажа, нібыта супрацоўнікі органаў іх лёгка вылічылі па ценях на асфальце.

Пасля ў сюжэце паказваюць, як пераследуюць дыпламатычнае аўто, якое накіроўваецца да пункту пропуску «Лоша» на беларуска-літоўскай мяжы. Там аўто было а 18-й гадзіне. Памежнік папрасіў амбасадарку адкрыць заднія дзверы і багажнік для надгляду. Там нікога і нічога не было — сіняя сумка стаяла без дыванкоў.

У канцы з'яўляецца кадр з пераследу.

«Першы» даў каманду адпускаць, ідзём на базу, ДАІ здымаю», — кажа нечы голас у рацыю.

Прапагандысты падаюць гэта так, нібыта ўлады вырашылі проста адпусціць Кузнечыкаў, на якіх была заведзена крымінальная справа па артыкуле 364 КК (гвалт ці пагроза яго прымянення ў дачынення да супрацоўніка ўнутраных органаў). 

«А навошта Кузнечыкі нам? Як аказалася, абузай яны былі для шведаў, ну а цяпер няхай Латвія находзіць прымяненне чарговым беглым, ядуць яны шмат», — тлумачыць вядучая.

На працягу сюжэту яна то і справа здзекліва выказваецца пра дыпламатычных работнікаў і Кузнечыкаў.

Але сюжэт пакідае яшчэ больш пытанняў. Напрыклад, відэа з камер назірання. Звычайна яны запісваюць карцінку без гуку, а калі з гукам, то было б лагічна, каб гэта быў гук з тэрыторыі перад амбасадай, а не з будкі, дзе сядзіць супрацоўнік. Тым больш запісам без перашкод.

Ці навошта правяраюць дыпламатычную машыну Юханенсан і зазіраюць у багажнік, калі ўжо вырашылі адпусціць Кузнечыкаў?

Чаму відэа апублікавалі толькі праз месяц пасля ўцёкаў?

Але галоўнае пытанне, калі верыць гэтай версіі: чаму іх адпусцілі? Раней улады не задумваліся пра эканамічную немэтазгоднасць утрымання палітвязняў у турмах.

Кузнечыкі, якія амаль два гады жылі ў пасольстве Швецыі, збеглі з краіны

«Знаёмы пісаў: ідзі прасі прабачэння, прыбяры свой гонар, а то сядзіш у амбасадзе». Кузнечыкі, якія ўцяклі з Беларусі, расказалі і паказалі, як жывуць цяпер

Прэс-сакратар МЗС: Гісторыя з уцёкамі Кузнечыкаў яшчэ не скончаная

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Бичуган/адказаць/
08.07.2022
В траве сидел кузнечик,совсем как огуречик
0
Максим Дизайнер/адказаць/
09.07.2022
Молодцы, ребята, драпайте из этого болота и темры хоть тушкой, хоть чучелом. Придумывайте сказки про протесты, "в связи с ситуацией в стране", весь линкедин забит стенания молокососов после курсов айти, сидящим в Варшаве. Бегите, пока ноги носят. Хоть поживее, как люди.
0
счётчик Гейгера/адказаць/
12.07.2022
почитайте сети, КТО ПОЛУЧАЕТ ПРЫТУЛАК З БЕЛАРУСАЎ У ШВЭЦЫІ ? АЛЬБО "НІХТО" АЛЬБО КДБ , змагароў у Швэцыю не пускаюць.... Не пускаюць грошы дыктатара і беларускага КДБ... ХАБАР-ГЭТА ВЯЛІКАЯ СІЛА ! мАКЕЙ І ДЫКТАТАР ГЭТА ДОБРА ВЕДАЮЦЬ.
PS - а што Кузнечыкі ? Гэта , прачацьче "дробязь" для фашысцкага рэжыма дыктатара лукашэнкі....Які ўплыв яны мелі на грамадства === такіж як сп. Зянон пасля жніўня 1996г. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера