Украінская разведка: Расія да канца жніўня плануе вывезці з Беларусі 12 тысяч тон боепрыпасаў
Упраўленне стратэгічных камунікацый Узброеных сілаў Украіны паведаміла, што Расія пачала вывозіць з Беларусі боепрыпасы ў 1061-ы Цэнтр матэрыяльна-тэхнічнага забеспячэння Паўднёвай вайсковай акругі. «Агулам да канца жніўня запланавана вывезці 12 тысяч тон боепрыпасаў», — адзначаецца ў паведамленні.
Здымак ілюстрацыйны. Фота: УНІАН
Паводле Упраўленьня стратэгічных камунікацый, гэта можа сведчыць аб праблемах, якія мае Расія са своечасовай пастаўкай патрэбнай колькасці боепрыпасаў у зону баявых дзеянняў.
«Гэта яшчэ адна нагода сумнявацца ва ўварванні ва Украіну беларускай арміі, якая ў цяперашніх умовах ператварылася яшчэ і ў рэсурсную базу для падмацавання Расіі», — адзначылі ва Узброеных сілах Украіны.
Адначасова гэта лічаць і негатыўным момантам, які сведчыць пра тое, што дэфіцыту боепрыпасаў у расійскай арміі няма, а ёсць толькі праблемы з дастаўкай іх перадавым падраздзяленням.
вам зусім братоў-украінцаў не шкада? бо ж бачна, як усе зацікаўленыя бакі (далёка не толькі расея) хочуць пазбавіцца ад старэлага ваеннага ламачча на бедным украінскім полі...
а самі тым часам вааружаюцца новым...